VIDEO: રાયપુરમાં પ્લાસ્ટિક ફેક્ટરીમાં વિકરાળ આગ, પોલીસ અને ફાયર બ્રિગેડે મોરચો સંભાળ્યો
છેલ્લું અપડેટ : 30 Apr 2026
સોર્સ : GSTV
VIDEO: આજે બપોરે રાયપુરના સડ્ડુ વિસ્તારમાં આવેલી એક પ્લાસ્ટિક ફેક્ટરીમાં અચાનક ભીષણ આગ ફાટી નીકળી હતી. પ્લાસ્ટિકનો જથ્થો હોવાને કારણે આગે જોતજોતામાં વિકરાળ સ્વરૂપ ધારણ કરી લીધું હતું, જેના કારણે આસપાસના વિસ્તારમાં ફફડાટ વ્યાપી ગયો છે.
ઘટનાની જાણ થતા જ ફાયર બ્રિગેડની અનેક ગાડીઓ ઘટનાસ્થળે પહોંચી ગઈ છે અને આગ પર કાબૂ મેળવવાના પ્રયાસો હાથ ધરવામાં આવ્યા છે. ફેક્ટરીમાંથી નીકળતા કાળા ધુમાડાના ગોટેગોટા કિલોમીટરો દૂરથી જોઈ શકાય છે. રામમૂર્તિ દીવાન દ્વારા શેર કરવામાં આવેલા વિઝ્યુઅલ્સમાં આગની ભયાનકતા સ્પષ્ટ દેખાઈ રહી છે. સદનસીબે, હાલમાં કોઈ જાનહાનિના સમાચાર નથી, પરંતુ ફેક્ટરીમાં રહેલો લાખોનો માલ બળીને ખાખ થઈ ગયો હોવાની આશંકા છે. પોલીસ અને વહીવટી તંત્ર દ્વારા આગ લાગવાનું કારણ જાણવા તપાસ શરૂ કરવામાં આવી છે.