VIDEO: હું તેમને 20 વર્ષથી મારવા માંગતો હતો.. કોણ છે કમલ સિંહ? જેણે ફારૂક અબ્દુલ્લા પર તાણી હતી બંદૂક
જમ્મુ-કાશ્મીરના પૂર્વ મુખ્યમંત્રી ફારૂક અબ્દુલ્લા પર ગઈકાલે મોડી રાત્રે એક લગ્ન સમારોહ દરમિયાન જીવલેણ હુમલો થય
જમ્મુ-કાશ્મીરના પૂર્વ મુખ્યમંત્રી ફારૂક અબ્દુલ્લા પર ગઈકાલે મોડી રાત્રે એક લગ્ન સમારોહ દરમિયાન જીવલેણ હુમલો થયો હતો. સુરક્ષાકર્મીઓની સતર્કતાને કારણે ફારૂક અબ્દુલ્લાનો આબાદ બચાવ થયો છે, જ્યારે હુમલાખોર પોલીસના સકંજામાં છે.
લગ્ન પ્રસંગમાં ફાયરિંગ: ડેપ્યુટી CM પણ હતા હાજર
જમ્મુના ગ્રેટર કૈલાશ વિસ્તારમાં આવેલા રોયલ પાર્કમાં નેશનલ કોન્ફરન્સના લીગલ સેલના પ્રમુખની પુત્રીના લગ્ન હતા. આ પ્રસંગે ફારૂક અબ્દુલ્લા અને ડેપ્યુટી સીએમ સુરિંદર ચૌધરી હાજર હતા. જ્યારે ફારૂક અબ્દુલ્લા વિદાય લઈ રહ્યા હતા, ત્યારે અચાનક એક શખ્સે પાછળથી આવીને રિવોલ્વર તાણી દીધી હતી. સુરક્ષાકર્મીઓએ તરત જ હુમલાખોરનો હાથ ઝટકી દેતા ગોળી હવામાં ચાલી ગઈ હતી.
કોણ છે હુમલાખોર કમલ સિંહ જામવાલ?
પોલીસે ધરપકડ કરેલા હુમલાખોરનું નામ કમલ સિંહ જામવાલ છે, જે જમ્મુના જૂની મંડી વિસ્તારનો રહેવાસી છે. 1963માં જન્મેલા કમલ સિંહની જૂના શહેરમાં ઘણી દુકાનો છે અને તે ભાડાની આવક પર જીવે છે. હુમલામાં વપરાયેલી બંદૂક તેની પોતાની હોવાનું બહાર આવ્યું છે.
ચોંકાવનારો ખુલાસો: "મારો પર્સનલ એજન્ડા હતો"
પોલીસ પૂછપરછમાં કમલ સિંહે અત્યંત ચોંકાવનારો સ્વીકાર કર્યો છે. તેણે પોલીસને જણાવ્યું કે, "હું 20 વર્ષથી ફારૂક અબ્દુલ્લાને મારવા માંગતો હતો. આ મારો વ્યક્તિગત એજન્ડા હતો." આ નિવેદન બાદ સુરક્ષા એજન્સીઓ તપાસ કરી રહી છે કે શું આ પાછળ કોઈ ઊંડું ષડયંત્ર છે કે પછી આ કોઈ માનસિક વિકૃતિનું પરિણામ છે.
