VIDEO: બિહારમાં અસહ્ય ગરમી અને લૂ બાદ હવામાનમાં મોટો પલટો
છેલ્લું અપડેટ : 29 May 2026
સોર્સ : GSTV
બિહારની રાજધાની પટનાસહિત રાજ્યના અનેક વિસ્તારોમાં લાંબા સમયની અસહ્ય ગરમી અને લૂ બાદ હવામાનમાં મોટો પલટો આવ્યો છે. પટનાના વિવિધ ભાગોમાં ભારે પવન અને ગાજવીજ સાથે જોરદાર વરસાદ શરૂ થયો છે જેના કારણે સ્થાનિક લોકોને ઉકળાટ અને ગરમીથી મોટી રાહત મળી છે. હવામાન વિભાગ અનુસાર વાયુમંડળમાં પૂર્વીય પવનો (પુરવાઈ પવન) ના મજબૂત પ્રવાહને કારણે આ સકારાત્મક પરિવર્તન આવ્યું છે. ગુરુવાર સાંજથી જ પટનામાં આંશિક વાદળો છવાયા હતા, અને શુક્રવારે ભારે વરસાદને પગલે મહત્તમ તાપમાનમાં નોંધપાત્ર ઘટાડો નોંધાયો છે. પટનામાં હાલ ભારે વરસાદ ની સ્થિતિ બનેલી છે. જ્યારે રાત્રિના સમયે આકાશ મુખ્યત્વે ચોખ્ખું રહેવાની ધારણા છે. આ વરસાદી માહોલને કારણે આગામી બે-ત્રણ દિવસ સુધી પટનાવાસીઓને આકરી ગરમીમાંથી મુક્તિ મળશે.
