VIDEO: નાગપુરમાં એટીએસએ કરી શિવાજી રાઠોડની ધરપકડ, શખ્સ પર હોસ્પિટલમાં બોમ્બ પ્લાન્ટ કરવાનો ગંભીર આરોપ
છેલ્લું અપડેટ : 15 May 2026
સોર્સ : gstv
મહારાષ્ટ્રના નાગપુરમાં એટીએસ દ્વારા એક મોટી સફળતા મેળવતા શિવાજી રાઠોડ નામના શખ્સની ધરપકડ કરવામાં આવી છે. આરોપી પર પુણેની ઉષા કિરણ હોસ્પિટલમાં બોમ્બ પ્લાન્ટ કરવાનો ગંભીર આરોપ છે. આ ઘટનાને પગલે સુરક્ષા એજન્સીઓ સતર્ક થઈ ગઈ છે અને નાગપુર એટીએસ હવે આરોપીનો કબજો મેળવી તેને વધુ તપાસ માટે પુણે લઈ જવાની તૈયારી કરી રહી છે.
તપાસ અધિકારીઓ એ જાણવા માટે પ્રયત્ન કરી રહ્યા છે કે હોસ્પિટલ જેવા જાહેર સ્થળે બોમ્બ રાખવા પાછળ આરોપીનો મુખ્ય ઈરાદો શું હતો. શું આ કોઈ મોટા આતંકી કાવતરાનો ભાગ છે કે પછી વ્યક્તિગત અદાવત, તે અંગેની પૂછપરછ ચાલુ છે. આ ધરપકડથી પુણે હોસ્પિટલ બોમ્બ કેસમાં અનેક મહત્વના ખુલાસા થવાની શક્યતા છે. વધુ તપાસ બાદ જ સમગ્ર કાવતરા પરથી પડદો ઉઠશે.
