VIDEO: લખનૌમાં ચોમાસું સત્ર પૂર્વે વિધાનસભા ભવન બહાર ચુસ્ત સુરક્ષા બંદોબસ્ત
છેલ્લું અપડેટ : 03 Aug 2026
ઉત્તર પ્રદેશની રાજધાની લખનૌમાં વિધાનસભાના ચોમાસું સત્રની શરૂઆત પૂર્વે સુરક્ષા વ્યવસ્થા અત્યંત કડક કરી દેવામાં આવી છે. કોઈપણ અપ્રિય ઘટના કે વિરોધ પ્રદર્શનને રોકવા માટે વિધાનભવનની આસપાસ પાંચ કિલોમીટરના વિસ્તારમાં હાઈ એલર્ટ જાહેર કરીને બીએનએસએસ ની કલમ ૧૬૩ હેઠળ નિષેધાજ્ઞા લાગુ કરવામાં આવી છે. વિધાનસભા પરિસરની આસપાસ ૧૫૦૦ થી વધુ પોલીસકર્મીઓ, એટીએસ ની ટુકડીઓ અને કમાન્ડો તૈનાત કરવામાં આવ્યા છે. રાજભવન, વિધાનભવન અને મુખ્યમંત્રી આવાસ જેવા સંવેદનશીલ વિસ્તારોની આસપાસ ડ્રોન ઉડાડવા પર સંપૂર્ણ પ્રતિબંધ મૂકવામાં આવ્યો છે. કોઈપણ પ્રકારના ગેરકાયદેસર ધરણાં, પ્રદર્શન કે સરઘસ પર રોક લગાવવામાં આવી છે અને સોશિયલ મીડિયા પર પણ સતત નજર રાખવામાં આવી રહી છે. પ્રશાસન અને પોલીસ તંત્ર દ્વારા સત્ર દરમિયાન શાંતિ તથા કાયદો-વ્યવસ્થા સુચારૂ રીતે જાળવી રાખવા માટે તમામ જરૂરી તકેદારીના પગલાં લેવામાં આવ્યા છે.
