VIDEO: તેલંગાણા કોંગ્રેસ દ્વારા હૈદરાબાદમાં કેન્દ્ર સરકારની નીતિઓ વિરોધ પ્રદર્શન કરવામાં આવ્યું
છેલ્લું અપડેટ : 07 Jun 2026
સોર્સ : GSTV
તેલંગાણા કોંગ્રેસ દ્વારા શનિવારે હૈદરાબાદમાં કેન્દ્ર સરકારની નીતિઓ વિરુદ્ધ એક વિશાળ વિરોધ પ્રદર્શન કરવામાં આવ્યું હતું. બશીરબાગ એક્સ રોડથી શરૂ થયેલી આ રેલી ટેન્ક બંડ સ્થિત આંબેડકર પ્રતિમા સુધી પહોંચી હતી, જેમાં મોટી સંખ્યામાં કાર્યકરો જોડાયા હતા. કોંગ્રેસના નેતાઓએ NEET પરીક્ષાના પેપર લીક કાંડને વિદ્યાર્થીઓના ભવિષ્ય સાથેના ચેડાં ગણાવીને સીબીઆઈ તપાસની માંગ કરી હતી. આ ઉપરાંત, દેશમાં સતત વધી રહેલા ઈંધણના ભાવ અને CBSE સાથે જોડાયેલા વિવિધ મુદ્દાઓને લઈને પણ વિરોધ નોંધાવ્યો હતો. દેખાવકારોએ કેન્દ્ર સરકાર વિરુદ્ધ સૂત્રોચ્ચાર કરી તાત્કાલિક અસરકારક પગલાં લેવાની માંગ કરી હતી. પોલીસે કાયદો અને વ્યવસ્થા જાળવવા માટે માર્ગમાં ચુસ્ત બંદોબસ્ત ગોઠવ્યો હતો. આ વિરોધ પ્રદર્શન દ્વારા કોંગ્રેસે સરકાર પર જનતાના પ્રશ્નો પ્રત્યે બેદરકારી દાખવવાનો આરોપ લગાવ્યો છે.
