VIDEO: સુપ્રીમ કોર્ટે ફોર્મ-સિક્સમાં કરાયેલા કોઈપણ ફેરફારને મંજૂરી આપી નથી
છેલ્લું અપડેટ : 06 Oct 2026
ફોર્મ-સિક્સમાં થયેલા ગેરકાયદેસર ફેરફારો અંગેની સુનાવણી દરમિયાન, મુખ્ય ન્યાયાધીશ સૂર્યકાંતે સ્પષ્ટ કર્યું છે કે સુપ્રીમ કોર્ટે ફોર્મ-સિક્સમાં કરાયેલા કોઈપણ ફેરફારને મંજૂરી આપી નથી. ચૂંટણી પંચ પાસેથી રિપોર્ટ મળ્યા બાદ કોર્ટ એ તપાસ કરશે કે આ ફેરફાર કોણે કર્યા હતા. મુખ્ય ચૂંટણી કમિશનર જ્ઞાનેશ કુમાર સામે દાખલ અરજીઓની સુનાવણી દરમિયાન આ મુદ્દો સામે આવ્યો હતો. નોંધનીય છે કે ચૂંટણી પંચ દ્વારા ઓનલાઈન ફોર્મ-સિક્સમાં નવો વિભાગ ઉમેરીને નવા મતદારો પાસેથી તેમના માતા-પિતાની મતદાર યાદીમાં સ્થિતિ અંગે વિગતો માગવામાં આવી હતી. વરિષ્ઠ વકીલ મેનકા ગુરુસ્વામીએ દિલ્હીનું ઉદાહરણ આપતાં જણાવ્યું કે, ફોર્મ-સિક્સમાં બે નવી શરતો ઉમેરીને અરજદારોને મતદાર યાદીમાં સામેલ થતાં રોકવામાં આવી રહ્યા છે અને તેમને નોટિસ આપવામાં આવી રહી છે. જેના પર ન્યાયાધીશે સ્પષ્ટતા કરી કે ચૂંટણી પંચના રિપોર્ટ બાદ યોગ્ય કાર્યવાહી કરવામાં આવશે.
