VIDEO: લખીમપુરમાં પૂરની સ્થિતિ વધુ વણસી
છેલ્લું અપડેટ : 14 Jul 2026
સોર્સ : gstv
આસામના લખીમપુર જિલ્લાના ઘુનાસુતી વિસ્તારમાં પૂરની સ્થિતિ અત્યંત ગંભીર બની ગઈ છે. સતત ભારે વરસાદને કારણે નદીઓ તોફાની બની છે અને ઘુનાસુતીના અસંખ્ય ગામો સંપૂર્ણપણે પાણીમાં ડૂબી ગયા છે. પૂરના પાણી ઘરોમાં ઘૂસી જતાં હજારો લોકો બેઘર બન્યા છે. હાલમાં પૂર પ્રભાવિત વિસ્તારોના રહેવાસીઓ ભારે મુશ્કેલીઓનો સામનો કરી રહ્યા છે, જ્યાં અનાજ અને પીવાના શુદ્ધ પાણીની તીવ્ર કટોકટી સર્જાઈ છે. લોકો ઊંચા રસ્તાઓ અથવા રાહત શિબિરોમાં આશ્રય લેવા મજબૂર બન્યા છે. સ્થાનિક વહીવટીતંત્ર દ્વારા બચાવ કામગીરી હાથ ધરવામાં આવી છે, પરંતુ પૂરના વહેતા પાણી અને બગડેલા હવામાનને કારણે રાહત સામગ્રી પહોંચાડવામાં ભારે અવરોધ આવી રહ્યો છે.
