VIDEO: "બીજા વિશ્વયુદ્ધ પછીનો સૌથી મોટો વૈશ્વિક વળાંક! BRICS મંચ પરથી ભારતે દુનિયાને બતાવી પોતાની તાકાત" ઃ ભાજપ નેતા
છેલ્લું અપડેટ : 10 Sept 2026
બ્રિક્સ (BRICS) સમિટના આયોજનને લઈને ભાજપના રાષ્ટ્રીય પ્રવક્તા અને સાંસદ ડૉ. સુધાંશુ ત્રિવેદીએ ભારતની વૈશ્વિક ભૂમિકા અંગે મહત્વપૂર્ણ નિવેદન આપ્યું છે. તેમણે સ્પષ્ટ કર્યું છે કે આ સમિટમાં ભારતે 'હ્યુમેનિટી ફર્સ્ટ' ને પ્રાથમિકતા આપી છે. સુધાંશુ ત્રિવેદીએ જણાવ્યું કે ભારતનો સમગ્ર એજન્ડા સ્થિતિસ્થાપકતા, નવીનતા, સહયોગ અને ટકાઉપણું પર આધારિત છે. બીજા વિશ્વયુદ્ધ પછી જે વૈશ્વિક વ્યવસ્થા હતી તેમાં આજે મોટો બદલાવ આવી રહ્યો છે અને એક નવો વૈશ્વિક વ્યવસ્થાતંત્ર આકાર લઈ રહ્યો છે, જેમાં ભારત BRICS જેવા અત્યંત મહત્વપૂર્ણ મંચનું નેતૃત્વ કરી રહ્યું છે.
તેમણે ઉમેર્યું કે આ સમિટ દરમિયાન આશરે ૨૦ જેટલા ચાવીરૂપ ક્ષેત્રો પર ઊંડાણપૂર્વક ચર્ચા કરવામાં આવશે. જેમાં કૃષિ ઇકોસિસ્ટમ, આરોગ્ય સંશોધન પ્રણાલી, ઇન્ફોર્મેશન નેટવર્ક્સ, આનુવંશિક ટકાઉપણું, સસ્ટેનેબલ ટેકનોલોજી, MSME, સ્વચ્છ ઊર્જા, કૌશલ્ય વિકાસ, વૈજ્ઞાનિક સંશોધન અને પરંપરાગત ઔષધિ પદ્ધતિઓ જેવા ક્ષેત્રો મુખ્ય રહેશે.
સુધાંશુ ત્રિવેદીએ અંતમાં જણાવ્યું કે વડાપ્રધાનના નેતૃત્વ હેઠળ ભારત 'વિશ્વ મિત્ર' તરીકેની સકારાત્મક ભૂમિકા ભજવી રહ્યું છે. તમામ દેશો વચ્ચે સુમેળ અને મૈત્રીપૂર્ણ સંબંધોને પ્રોત્સાહન આપીને BRICS સમિટનું આયોજન વૈશ્વિક સ્તરે એક નવો સીમાચિહ્ન સાબિત થશે.
