VIDEO: સુપ્રીમ કોર્ટે આંધ્રપ્રદેશ સરકારની અરજી ફગાવી, સ્થાનિક સ્વરાજ્યની ચૂંટણીમાં ૫૦ ટકાથી વધુ અનામત માન્ય નથી
છેલ્લું અપડેટ : 09 Oct 2026
સુપ્રીમ કોર્ટે આંધ્રપ્રદેશ સરકાર દ્વારા હાઈકોર્ટના આદેશને પડકારતી અપીલને ફગાવી દીધી છે. હાઈકોર્ટે સ્થાનિક સ્વરાજ્યની ચૂંટણીઓમાં પછાત વર્ગો માટે ૩૪ ટકા અનામત આપતા બે સરકારી આદેશોને રદ કર્યા હતા, જેને રાજ્ય સરકારે સુપ્રીમ કોર્ટમાં પડકાર્યો હતો. સુપ્રીમ કોર્ટના જસ્ટિસ દીપાંકર દત્ત અને જસ્ટિસ શીલ નાગૂની બેંચે જણાવ્યું કે આંધ્રપ્રદેશ હાઈકોર્ટનો આદેશ યોગ્ય હતો. હાઈકોર્ટે ૧ ઓક્ટોબરે સરકારી આદેશો રદ કરતા સ્પષ્ટ કર્યું હતું કે આ કોટા સુપ્રીમ કોર્ટની એ માર્ગદર્શિકાનું ઉલ્લંઘન કરે છે, જેમાં કુલ અનામત પચાસ ટકાથી વધુ ન હોવી જોઈએ. હાઈકોર્ટે રાજ્ય સરકાર અને ચૂંટણી પંચને છ અઠવાડિયામાં ચૂંટણી પ્રક્રિયા શરૂ કરવા આદેશ આપ્યો હતો. ઉલ્લેખનીય છે કે, ૧૮ ઓગસ્ટે મુખ્યમંત્રી એન. ચંદ્રબાબુ નાયડુએ સ્થાનિક સંસ્થાઓની ચૂંટણીમાં પછાત વર્ગો માટે ૩૪ ટકા ક્વોટાની જાહેરાત કરી હતી.
