VIDEO: "સપાએ હનુમાનગઢી પર નમાઝ પઢાવી, શું જામા મસ્જિદમાં હનુમાન ચાલીસા વાંચી શકશે?" અયોધ્યામાં સીએમ યોગીનો વિપક્ષ પર પ્રહાર
છેલ્લું અપડેટ : 10 Jul 2026
રામ મંદિરમાં ચઢાવાની ચોરીના વિવાદ વચ્ચે ઉત્તર પ્રદેશના મુખ્યમંત્રી યોગી આદિત્યનાથ શુક્રવારે અયોધ્યા પહોંચ્યા હતા. અહીં સીએમ યોગીએ 432 કરોડ રૂપિયાથી વધુની વિવિધ વિકાસ પરિયોજનાઓના લોકાર્પણ અને શિલાન્યાસ માટે આયોજિત કાર્યક્રમમાં ભાગ લીધો હતો. આ દરમિયાન જનસભાને સંબોધતા સીએમ યોગીએ સમાજવાદી પાર્ટી (સપા) અને કોંગ્રેસ પર આકરા પ્રહારો કર્યા હતા. તેમણે તીખો હુમલો કરતા સવાલ કર્યો કે, સપાએ હનુમાનગઢીની સીડીઓ પર નમાઝ પઢાવવાનું પાપ કર્યું હતું, શું તેઓ જામા મસ્જિદ પર હનુમાન ચાલીસા પઢાવી શકશે?
સીએમ યોગી શું બોલ્યા? સીએમ યોગી આદિત્યનાથે અયોધ્યાથી વિપક્ષ પર જોરદાર પ્રહારો કર્યા છે. તેમણે સમાજવાદી પાર્ટી અને કોંગ્રેસને ઘેરતા કહ્યું કે, તેમણે હનુમાનગઢીની સીડીઓ પર નમાઝ પઢાવી હતી. સીએમ યોગીએ અયોધ્યાના લોકોને પૂછ્યું કે શું જામા મસ્જિદમાં હનુમાન ચાલીસાના પાઠ થઈ શકે છે?
તેમણે જનસભામાં કહ્યું, "લાંબા સમય સુધી અયોધ્યાની ઉપેક્ષા કરવામાં આવી. જે લોકો આજે ભક્તિની વાતો કરે છે, તેમણે જ હનુમાનગઢીની સીડીઓ પર નમાઝ પઢવાનું આયોજન કર્યું હતું. શું કોંગ્રેસ કે સમાજવાદી પાર્ટી ક્યારેય જામા મસ્જિદમાં હનુમાન ચાલીસાના પાઠનું આયોજન કરી શકશે? તો પછી તેમણે આ પાઠ કેમ કર્યો?"
'કોંગ્રેસે રામના અસ્તિત્વ પર સવાલ ઉઠાવ્યા' મુખ્યમંત્રી યોગી આદિત્યનાથે અયોધ્યામાં જણાવ્યું કે, "આજે લાખો લોકો અયોધ્યા આવે છે. તેમણે (સમાજવાદી પાર્ટીએ) લોકોને હનુમાનગઢીની સીડીઓ પર નમાઝ પઢવા માટે પ્રેરિત કરીને પાપ કર્યું હતું. પરંતુ અમે અયોધ્યાને એક નવી ઓળખ આપી છે. આજે અયોધ્યા સડક, રેલ અને હવાઈ માર્ગથી જોડાઈ ચૂક્યું છે."
સપા અને કોંગ્રેસ પર નિશાન સાધતા સીએમ યોગીએ વધુમાં કહ્યું કે, "સપાએ રામભક્તો પર ગોળીઓ ચલાવી હતી. કોંગ્રેસે રામના અસ્તિત્વ પર સવાલ ઉઠાવ્યા હતા. સપા-કોંગ્રેસે અયોધ્યા સામે ઓળખનું સંકટ ઊભું કર્યું હતું. સપા-કોંગ્રેસના લોકો વિકાસ નથી કરી શક્યા, એટલે જ તેઓ વિરોધ કરી રહ્યા છે."
