VIDEO: વારાણસીમાં ગંગા નદીની જળસપાટી વધતા ઘાટ અને કિનારાના રહીશોમાં ચિંતાનો માહોલ
છેલ્લું અપડેટ : 05 Aug 2026
સોર્સ : gstv
ઉત્તર પ્રદેશના પવિત્ર શહેર વારાણસીમાં ઉપરી વિસ્તારોમાં થઈ રહેલા સતત વરસાદને કારણે ગંગા નદીની જળસપાટીમાં ઝડપથી વધારો થઈ રહ્યો છે. નદીના પાણી સતત ઉપર આવતા પ્રસિદ્ધ ઘાટોનો એકબીજા સાથેનો સંપર્ક તૂટી ગયો છે અને જળસપાટી ચેતવણીના સ્તર તરફ આગળ વધી રહી છે. આ સ્થિતિને કારણે નદી કિનારે રહેતા સ્થાનિક રહીશો, નાવિકો અને વેપારીઓમાં ભારે ચિંતા અને ભયનો માહોલ સર્જાયો છે. તટવર્તી વિસ્તારો અને નીચાણવાળા ઘાટો પર પાણી ફરી વળતાં વિખ્યાત ગંગા આરતીનું સ્થળ પણ બદલવાની ફરજ પડી છે. જિલ્લા પ્રશાસન દ્વારા પરિસ્થિતિ પર સતત સઘન નજર રાખવામાં આવી રહી છે અને નદીમાં નૌકાચાલન પર અંકુશ લગાવાયો છે. આપત્તિ વ્યવસ્થાપન ટીમ અને પોલીસને હાઇ એલર્ટ પર રાખીને કિનારાના લોકોને સાવચેત રહેવાની સલાહ આપવામાં આવી છે.
