VIDEO: કોની NGO અને કોણ માસ્ટરમાઇન્ડ? શાળાઓને બોમ્બ ધમકીઓ બદલ ભાજપે AAP અને કોંગ્રેસ પર કર્યા પ્રહારો

દિલ્હી વિધાનસભા ચૂંટણીમાં આમ આદમી પાર્ટી, કોંગ્રેસ અને ભાજપે પોતપોતાના ચૂંટણી દાવ અજમાવવાનું શરૂ કરી દીધું છે. દરેક પાર્ટીઓ જોરશોરથી ચૂંટણી પ્રચાર સાથે એકબીજા પર આરોપો અને પ્રતિ-આરોપોનો સિલસિલો પણ તેજ બન્યો છે. આ દરમિયાન, ભાજપ નેતા અનુરાગ ઠાકુરે કોંગ્રેસ અને આમ આદમી પાર્ટી પર પ્રહાર કરતા કહ્યું, 'રાહુલ ગાંધી અને અરવિંદ કેજરીવાલ વચ્ચે કોઈ ફરક નથી. બંને એક જ વિચારધારાનું પ્રતિનિધિત્વ કરે છે.' આ સાથે દિલ્હી ભાજપના પ્રદેશ પ્રમુખ વીરેન્દ્ર સચદેવ અને અનુરાગ ઠાકુરે ભાજપ પર ઘણા આરોપો લગાવ્યા છે.

આ પણ વાંચોઃ આરજી કર મેડિકલ કોલેજ કેસમાં કોર્ટનો મોટો ચૂકાદો,આરોપી સંજય રોયને આજીવન કેદ

ભાજપના સાંસદ અનુરાગ ઠાકુરે કહ્યું, 'દિલ્હીમાં રમખાણો ભડકાવીને દેશને કોણે બદનામ કર્યો?' જો આજે તાહિર હુસૈન જેલમાં છે, તો શું આમ આદમી પાર્ટી ભાગી શકે છે? આ એ જ આમ આદમી પાર્ટી અને એ જ કોંગ્રેસ પાર્ટી છે જે બાટલા હાઉસ ઘટના પર પ્રશ્નો ઉભા કરે છે. દિલ્હીમાં કેટલાક લોકો બોમ્બ વિસ્ફોટની અફવા ફેલાવે છે અને વાલીઓને રડાવે છે. શાળાઓ પણ બંધ કરાવે છે. તમારે જવાબ આપવો પડશે કે આ કોની NGO છે અને તેની પાછળ કોણ મુખ્ય સૂત્રધાર છે.

ભાજપના નેતા અનુરાગ ઠાકુરે અરવિંદ કેજરીવાલને સવાલ પૂછતા કહ્યું કે તમારી પાર્ટી 11 વર્ષથી સત્તામાં છે, તમારે આનો જવાબ આપવો પડશે, તમે એક પણ પ્રશ્નનો જવાબ આપ્યો નથી, ફક્ત કાદવ ફેંકો અને ચાલ્યા જાઓ. હવે દિલ્હી પોતાના પ્રશ્નોના જવાબો માંગી રહી છે. તેમણે વધુમાં કહ્યું કે, અરાજકતા અને સનસનાટીભર્યા વાતાવરણના જૂના ખેલાડીઓ છે  અરવિંદ કેજરીવાલ અને આમ આદમી પાર્ટી.