VIDEO: કોંગ્રેસ રેલી બાદ ઉત્તરાખંડમાં 'શુદ્ધિકરણ' હવન પર પ્રિયંકા ગાંધીના ભાજપ-RSS પર પ્રહારો
છેલ્લું અપડેટ : 13 Aug 2026
ઉત્તરાખંડના હલ્દવાની સ્થિત રામલીલા મેદાનમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેની રેલી યોજાયા બાદ ત્યાં કરાવવામાં આવેલા 'શુદ્ધિકરણ' હવનને લઈને રાજકારણ ગરમાયું છે. આ ઘટના પર કોંગ્રેસના સાંસદ પ્રિયંકા ગાંધી વાડ્રાએ ભારતીય જનતા પાર્ટી અને રાષ્ટ્રીય સ્વયંસેવક સંઘ (RSS) પર આકરા પ્રહારો કર્યા છે.
પ્રિયંકા ગાંધીએ આ બાબતે પ્રતિક્રિયા આપતા જણાવ્યું હતું કે, "આ પ્રકારની માનસિકતા ભાજપ અને આરએસએસની વિચારધારાને સ્પષ્ટપણે દર્શાવે છે. આ બાબતનો વિરોધ થવો જ જોઈએ. વડાપ્રધાને પોતે આ ઘટનાની નિંદા કરવી જોઈએ અને દેશની જનતા સમક્ષ માફી માંગવી જોઈએ."
આ ઉપરાંત, તેમણે સંસદના સત્ર અને ગૃહમંત્રીની હાજરી મુદ્દે પણ સરકાર પર નિશાન સાધ્યું હતું. પ્રિયંકા ગાંધીએ ઉમેર્યું કે, "ગૃહમંત્રી આજે આવ્યા છે, પરંતુ માત્ર 'વંદે માતરમ' ગાવા માટે... સમગ્ર સત્ર પૂર્ણ થઈ ગયું, પરંતુ ન તો વડાપ્રધાન કે ન તો ગૃહમંત્રીએ તેમાં હાજરી આપી. જો આવી સ્થિતિ રહે તો પછી આ દેશમાં લોકશાહી અને આપણી સંસદ કેવી રીતે ચાલી શકે?"
