PM મોદી અને ઈઝરાયેલી વડાપ્રધાન નેતન્યાહૂ વચ્ચે ફોન પર વાતચીત: દ્વિપક્ષીય સંબંધો અને વેસ્ટ એશિયાની સ્થિતિ પર ચર્ચા
છેલ્લું અપડેટ : 06 Aug 2026
સોર્સ : gstv
ઈઝરાયેલના વડાપ્રધાન બેન્જામિન નેતન્યાહૂએ ભારતના વડાપ્રધાન નરેન્દ્ર મોદી સાથે ટેલિફોન પર વાતચીત કરી છે. વડાપ્રધાન કાર્યાલય (PMO) દ્વારા આપવામાં આવેલી માહિતી અનુસાર, બંને નેતાઓએ ભારત અને ઈઝરાયેલ વચ્ચેની 'ખાસ વ્યૂહાત્મક ભાગીદારી' ની પ્રગતિની સમીક્ષા કરી હતી.
દ્વિપક્ષીય સહયોગને વધુ મજબૂત કરવા પ્રતિબદ્ધતા
વાતચીત દરમિયાન બંને દેશોના વડાપ્રધાનોએ વિવિધ ક્ષેત્રોમાં દ્વિપક્ષીય સહયોગને વધુ મજબૂત કરવા અને પરસ્પર લાભ માટે સંબંધોને નવી ઊંચાઈએ લઈ જવાની પોતાની પ્રતિબદ્ધતાનો પુનરોચ્ચાર કર્યો હતો.
વેસ્ટ એશિયાના સ્થિતિ પર વિચાર-વિમર્શ
વડાપ્રધાન નરેન્દ્ર મોદી અને પીએમ નેતન્યાહૂએ વેસ્ટ એશિયા (પશ્ચિમ એશિયા) ક્ષેત્રમાં તાજેતરમાં થયેલા ઘટનાક્રમો અને વર્તમાન પરિસ્થિતિ અંગે પણ વિચારોનું આદાન-પ્રદાન કર્યું હતું. બંને નેતાઓએ આગામી સમયમાં પણ એકબીજાના સંપર્કમાં રહેવા માટે સંમતિ દર્શાવી છે.
