VIDEO: એર ઈન્ડિયાની ફ્લાઇટ ટર્બ્યુલન્સમાં મુસાફરો ઘાયલ
છેલ્લું અપડેટ : 04 Aug 2026
સોર્સ : gstv
થાઈલેન્ડથી દિલ્હી આવી રહેલી એર ઈન્ડિયાની ફ્લાઇટ દરમિયાન થયેલા ભયંકર ટર્બ્યુલન્સ બાદ વિદેશી મુસાફરોએ સમગ્ર ઘટનાનો અનુભવ વર્ણવ્યો હતો. એક મહિલા મુસાફરે જણાવ્યું કે અચાનક વિમાન જોરથી ધ્રૂજવા લાગતાં મુસાફરોમાં ગભરાટ ફેલાઈ ગયો હતો. આ ઘટનામાં તેમની માતાને ઈજા પહોંચી હતી અને તેમને સારવાર આપવામાં આવી રહી છે. ટર્બ્યુલન્સ એટલું તીવ્ર હતું કે ઘણા મુસાફરો પોતાની બેઠકો પરથી ઉછળી ગયા હતા. વિમાન સુરક્ષિત રીતે દિલ્હી એરપોર્ટ પર ઉતારવામાં આવ્યું હતું. એરલાઈન અને સંબંધિત અધિકારીઓ ઘટનાની તપાસ કરી રહ્યા છે, જ્યારે ઘાયલ મુસાફરોને જરૂરી તબીબી સહાય પૂરી પાડવામાં આવી રહી છે.
