VIDEO: ભગવા પહેરી પુજારી બન્યા પપ્પુ યાદવ, રાહુલ ગાંધીએ આપ્યું દાન, સંસદ પરિસરમાં ચંદા ચોરીનો ડ્રામેટિક VIDEO સામે આવ્યો
છેલ્લું અપડેટ : 31 Jul 2026
સંસદના ચોમાસુ સત્ર (Monsoon Session) દરમિયાન વિપક્ષ સતત વિવિધ મુદ્દાઓ પર સરકારને ઘેરવાનો પ્રયાસ કરી રહ્યો છે. આ કડીમાં શુક્રવારે રામ મંદિરના ચઢાવામાં કથિત હેરાફેરીના મુદ્દે ચર્ચાની માગ સાથે વિપક્ષી નેતાઓ સંસદ પરિસરમાં એકઠા થયા હતા.
સાંસદ પપ્પુ યાદવ સંપૂર્ણ ભગવા વસ્ત્રો ધારણ કરી, ગળામાં માળાઓ પહેરીને એક સાધુના રૂપમાં સંસદ પહોંચ્યા હતા. તેમના હાથમાં એક દાનપેટી (Donation Box) હતી અને તેઓ સાંકેતિક રીતે 'ચઢાવો' એકઠો કરતા નજરે પડ્યા હતા. વિપક્ષી સાંસદોની હાજરીમાં લોકસભા વિપક્ષી નેતા રાહુલ ગાંધી તેમની પાસે પહોંચ્યા હતા અને દાનપેટીમાં નાણાં મુકીને આ અનોખા પ્રદર્શનનો ભાગ બન્યા હતા.
ગૃહમંત્રી અમિત શાહ સામે પણ વિપક્ષના આકરા પ્રહાર
રામ મંદિર કૌભાંડ ઉપરાંત સંસદ ભવન સંકુલમાં વિપક્ષી સાંસદોએ ગૃહમંત્રી અમિત શાહ (Home Minister Amit Shah) સામે પણ ભારે સૂત્રોચ્ચાર અને વિરોધ પ્રદર્શન કર્યું હતું.
-
અમિત શાહના રાજીનામાની માગ: 20 જુલાઈના રોજ સંસદ માર્ચ દરમ્યાન વિદ્યાર્થીઓ પર થયેલા કથિત દમન અને લાઠીચાર્જના મુદ્દે વિપક્ષ ગૃહમંત્રીના રાજીનામાની માગ કરી રહ્યો છે.
-
બેનરો સાથે પ્રદર્શન: વિપક્ષી નેતાઓએ "અમિત શાહ સંસદમાંથી ગાયબ કેમ છે?" (Why is Amit Shah missing from Parliament?) જેવા લખાણ વાળા પ્લેકાર્ડ્સ અને બેનરો સાથે સૂત્રોચ્ચાર કર્યા હતા.
'એન્ટી પેપર લીક બિલ' બંને સદનમાં પાસ
બીજી તરફ, સંસદમાં ભારે હંગામા અને વિરોધ વચ્ચે પણ સરકારી કામકાજ આગળ વધી રહ્યું છે. સ્પર્ધાત્મક પરીક્ષાઓમાં થતી ગરબડ અટકાવવા માટે લાવવામાં આવેલું 'એન્ટી પેપર લીક બિલ' (Anti-Paper Leak Bill) સંસદના બંને સદનો (લોકસભા અને રાજ્યસભા) માંથી પસાર થઈ ગયું છે. હવે આ બિલને કાયદાનું રૂપ આપવા માટે માત્ર રાષ્ટ્રપતિના હસ્તાક્ષર (Presidential Assent) ની જ રાહ જોવાઈ રહી છે.
તેમ છતાં, રામ મંદિર ચંદા ચોરી અને ગૃહમંત્રી સામેના વિરોધ પ્રદર્શનને કારણે સંસદના બંને ગૃહમાં કામકાજ વારંવાર ખોરવાઈ રહ્યું છે.
