VIDEO: બ્રહ્મપુરીમાં રિપેરિંગ દરમિયાન છત ધરાશાયી થતાં એક મજૂરનું મોત, એક ઘાયલ
છેલ્લું અપડેટ : 04 Oct 2026
સોર્સ : gstv
ઉત્તર પ્રદેશના દાદરી સ્થિત બ્રહ્મપુરી વિસ્તારમાં એક મકાનના રિપેરિંગ કામ દરમિયાન અચાનક છત ધરાશાયી થતાં મોટી દુર્ઘટના સર્જાઈ છે. આ અકસ્માતમાં કામ કરી રહેલા મજૂરો કાટમાળ નીચે દટાઈ ગયા હતા, જેમાં એક મજૂરનું કરૂણ મોત નીપજ્યું છે જ્યારે અન્ય એક મજૂર ગંભીર રીતે ઘાયલ થયો છે. ઘટના બનતા જ આસપાસના લોકો તાત્કાલિક મદદ માટે દોડી આવ્યા હતા અને સ્થાનિકોની મદદથી કાટમાળ હટાવીને ઈજાગ્રસ્તોને બહાર કાઢવામાં આવ્યા હતા. ઘાયલ મજૂરને સારવાર અર્થે નજીકની હોસ્પિટલમાં ખસેડવામાં આવ્યો છે. ઘટનાની જાણ થતાં જ પોલીસ કાફલો સ્થળ પર પહોંચી ગયો હતો અને મૃતદેહને પોસ્ટમોર્ટમ માટે મોકલીને આગળની કાનૂની તપાસ હાથ ધરી છે.
