VIDEO: જાતિ ગણતરી મુદ્દે ડી.કે. શિવકુમારનો મોટો ધડાકો: રાષ્ટ્રીય મંચ પરથી કરી મોટી જાહેરાત!
છેલ્લું અપડેટ : 07 Aug 2026
સોર્સ : gstv
બેંગલુરુ ખાતે આયોજિત રાષ્ટ્રીય ઓબીસી મહાસંઘના 11મા રાષ્ટ્રીય સંમેલન દરમિયાન કર્ણાટકના મુખ્યમંત્રી ડી.કે. શિવકુમારે જાતિ આધારિત વસ્તીગણતરીના મુદ્દે મહત્વનું નિવેદન આપ્યું છે. સંમેલનને સંબોધતા ડી.કે. શિવકુમારે જણાવ્યું હતું કે, "રાષ્ટ્રીય ઓબીસી મહાસંઘ દ્વારા દેશભરમાં જાતિ ગણતરી કરાવવાની માગ કરવામાં આવી રહી છે. અમારી સરકાર અને કોંગ્રેસ પક્ષ તેમની આ માગણીનું પૂર્ણ સમર્થન કરે છે અને અમે તેમની સાથે મક્કમતાથી ઊભા છીએ."
ઉલ્લેખનીય છે કે, અન્ય પછાત વર્ગો (OBC)ના અધિકારો અને સામાજિક ન્યાય માટે આયોજિત આ રાષ્ટ્રીય સંમેલનમાં દેશભરમાંથી મહાસંઘના હોદ્દેદારો અને પ્રતિનિધિઓ ઉપસ્થિત રહ્યા હતા. આ કાર્યક્રમમાં સામાજિક સમાનતા અને વસ્તીના આધારે હક આપવાની માગણીઓને લઈને ચર્ચા કરવામાં આવી હતી.
