VIDEO: 'ભારત વિરુદ્ધ ન બોલતા', કાશ્મીરી ધર્મગુરુએ શરત ન માનતા ખામેનેઈના જનાજામાં જતા રોક્યા, પાસપોર્ટ જપ્ત
છેલ્લું અપડેટ : 03 Jul 2026
નવી દિલ્હી (New Delhi): કાશ્મીરના અગ્રણી શિયા નેતા અને હુર્રિયત કોન્ફરન્સના કાર્યકારી સભ્ય આગા સૈયદ હસન મુસાવીને ગુરુવારે નવી દિલ્હી એરપોર્ટ પર ઈરાનની ફ્લાઈટમાં ચઢતા રોકી દેવામાં આવ્યા છે. ઈરાનના દિવંગત સુપ્રીમ લીડર (Supreme Leader) અયાતુલ્લાહ અલી ખામેનેઈના જનાજામાં (Funeral) સામેલ થવા માટે તેમને તેહરાન તરફથી આમંત્રણ (Invitation) મળ્યું હતું. જો કે, દિલ્હી એરપોર્ટ પર ઇમિગ્રેશન અધિકારીઓએ (Immigration Officials) શરતો ન માનવા બદલ તેમનો પાસપોર્ટ જપ્ત કરી લીધો છે.
ઇમિગ્રેશન અધિકારીઓએ આ શરતો મૂકી હતી
આગા હસનના પુત્ર અને પીડીપી (PDP) ધારાસભ્ય આગા મુંતઝિર મેહદીના જણાવ્યા અનુસાર, દિલ્હીમાં ઇમિગ્રેશન અધિકારીઓએ તેમના પિતા સામે એક કડક શરત મૂકી હતી. અધિકારીઓએ કહ્યું હતું કે, તેમને ઈરાન જવાની મંજૂરી (Permission) ત્યારે જ મળશે જ્યારે તેઓ ત્યાં જઈને ભારતના સત્તાવાર વલણ (Official Stance) વિરુદ્ધ કંઈ નહીં બોલે અથવા કાશ્મીરમાં થયેલી ધરપકડો અંગે કોઈ ચર્ચા નહીં કરે.
આગા હસને સ્પષ્ટ કર્યું હતું કે તેઓ માત્ર જનાજામાં ભાગ લેવા જઈ રહ્યા છે અને ત્યાં કોઈ ભાષણ (Speech) આપવાના નથી. તેમ છતાં, તેમણે અધિકારીઓની આ પ્રકારની શરતો સ્વીકારવાનો ઇનકાર (Refuse) કરી દીધો હતો.
પાસપોર્ટ જપ્ત કરીને શ્રીનગર ઓફિસ મોકલાયો
શરત ન માનવાને કારણે ઇમિગ્રેશન અધિકારીઓએ આગા હસનનો પાસપોર્ટ જપ્ત (Passport Seized) કરી લીધો હતો અને શ્રીનગરના પ્રાદેશિક પાસપોર્ટ અધિકારીને (RPO - Regional Passport Officer) એક જપ્તી મેમો (Seizure Memo) મોકલી આપ્યો છે. ઇન્દિરા ગાંધી ઇન્ટરનેશનલ (IGI) એરપોર્ટ પરથી જાહેર કરાયેલા આ મેમોમાં પાસપોર્ટ જપ્ત કરીને આગળની જરૂરી કાર્યવાહી માટે શ્રીનગર મોકલવાનો ઉલ્લેખ કરાયો છે.
જમ્મુ-કાશ્મીરના કયા 5 નેતાઓને આમંત્રણ મળ્યું હતું?
આગા રૂહુલ્લાહ મેહદી: પ્રમુખ શિયા નેતા અને સાંસદ (MP)
ઇમરાન અંસારી: શિયા નેતા (સ્પેશિયલ ફ્લાઇટથી રવાના થયા)
મહબૂબા મુફ્તી: પીડીપી પ્રમુખ અને પૂર્વ મુખ્યમંત્રી (સ્પેશિયલ ફ્લાઇટથી રવાના થયા)
આગા સૈયદ હસન: (જેમને દિલ્હી એરપોર્ટ પર રોકવામાં આવ્યા)
સૈયદ હાદી: શિયા નેતા (જેમણે હજી યાત્રા કરી નથી)
સ્પેશિયલ ફ્લાઇટ દ્વારા નેતાઓ રવાના થયા
ઈરાન સરકાર દ્વારા ભારતના આમંત્રિત મહેમાનોને તેહરાન લઈ જવા માટે એક ખાસ વિમાન (Special Aircraft) મોકલવામાં આવ્યું હતું. આ વિમાનમાં પૂર્વ મુખ્યમંત્રી મહબૂબા મુફ્તી અને શિયા નેતા ઇમરાન અંસારીને સવાર થવાની મંજૂરી આપવામાં આવી હતી અને તેઓ રવાના થઈ ચૂક્યા છે. મહબૂબા મુફ્તી જમ્મુ-કાશ્મીરના એકમાત્ર એવા બિન-શિયા નેતા (Non-Shia Leader) છે જેમને આ અંતિમ સંસ્કારમાં સામેલ થવા માટે આમંત્રિત કરવામાં આવ્યા છે.