વંદે માતરમની 150મી વર્ષગાંઠની રાષ્ટ્રવ્યાપી ઉજવણી, જમ્મુ-કાશ્મીરમાં કાર્યક્રમનો વિરોધ
છેલ્લું અપડેટ : 06 Nov 2025
ભારતના રાષ્ટીય ગીત વંદે માતરમને 150 વર્ષ પૂરા થઈ રહ્યા છે. આ અવસરે કેન્દ્ર સરકારે દેશભરના 150 સ્થળે ઉજવણીની તૈયારીઓ કરી છે. જેના અંતર્ગત બધા સાથે મળીને વંદે માતરમ ગાવામાં આવશે. આ તૈયારીઓના અંતર્ગત મુખ્ય મહેમાન તરીકે કોઈ વરિષ્ઠ નેતા, મંત્રી કે અધિકારી પણ સામેલ થશે. પીએમ મોદી શુક્રવારે દિલ્હીના ઈંદિરા ગાંધી સ્ટેડિયમમાં આના જ એક કાર્યક્રમમાં સામેલ થશે. સંસ્કૃતિ મંત્રાલય અનુસાર વંદે માતરમના 150 વર્ષ થવાના અવસરે આયોજન કરેલા કાર્યક્રમમાં પીએમ મોદી સામેલ થશે. આ દરમિયાન જમ્મૂ-કાશ્મીરમાં આ કાર્યક્રમોને લઈને ઈસ્લામવાળો પ્રશ્ન ઉઠ્યો છે.
મીરવાઈઝ ઉમર ફારૂકના નેતૃત્વવાળા મુત્તાહિદા મજલિસ-એ-ઉલેમાએ કેન્દ્ર શાસિત પ્રદેશની સરકાર પર સવાલ ઉઠાવ્યા છે. સરકારે આદેશ આપ્યો છે દરેક શાળાઓમાં વંદે માતરમ પર સંગીત અને સાંસ્કૃતિક કાર્યક્રમ કરે , જેના પર ઈસ્લામિક સંસ્થાનું કહેવું છે કે, વંદે માતરમના કાર્યક્રમમાં સામેલ થવા માટે કહેવું એ બિન-ઈસ્લામી છે. આ મુસ્લિમ એરિયામાં આરએસએસની હિંદુત્વવાદી વિચારધારાને થોપવાનો પ્રયાસ છે. 7 નવેમ્બરે થનારા કાર્યક્રમમાં શાળાના બાળકો, કોલેજના વિદ્યાર્થીઓ, અધિકારીઓ, નિર્વાચિત પ્રતિનિધિઓ, પોલીસકર્મીઓ અને ડૉક્ટરો સહિતના લોકોની ભાગીદારી હશે.
સાંસ્કૃતિક મંત્રાલય અનુસાર એવુ માનવામાં આવે છે કે, બંકિમ ચંદ્ર ચટ્ટોપાધ્યાયે આ ગીતની રચના 7 નવેમ્બર 1875માં કરી હતી. માતૃભૂમિની વંદના માટે ગાવાવાળા આ ગીતને 1950માં રાષ્ટ્રીય ગીતના રૂપમાં અપનાવ્યું હતું. તો બીજી બાજુ મુત્તાહિદા મજલિસ-એ ઉલેમાએ એક પત્ર લખીને જમ્મૂ-કાશ્મીરની સરકાર અને એલજી પાસે માંગ કરી છે કે વંદે માતરમના કાર્યક્રમમાં ફરજિયાત ભાગ લેવા માટેનો આદેશ પરત ખેંચે કારણ કે આ બિન- ઈસ્લામિક છે અને હિંદુત્વની વિચારધારાને થોપે છે.
