VIDEO: મોહાલી ખેડૂત આંદોલન
છેલ્લું અપડેટ : 03 Sept 2026
પંજાબના મોહાલી અને ચંદીગઢ સરહદ પર પોતાની વિવિધ માંગણીઓ અને ન્યાયી પ્રશ્નોના નિરાકરણ માટે કિસાન યુનિયનો દ્વારા શરૂ કરવામાં આવેલું વિરોધ પ્રદર્શન આજે ત્રીજા દિવસે પણ યથાવત રહ્યું છે, જેના કારણે સરહદી વિસ્તારોમાં ભારે ટ્રાફિકજામ અને તણાવપૂર્ણ માહોલ જોવા મળી રહ્યો છે. વિભિન્ન જિલ્લાઓમાંથી મોટી સંખ્યામાં ટ્રેક્ટર-ટ્રોલીઓ સાથે એકઠા થયેલા હજારો ખેડૂતોએ બેરિકેડ તોડીને આગળ વધવાનો પ્રયાસ કરતા પોલીસ અને સુરક્ષાકર્મીઓ સાથે ઘર્ષણની સ્થિતિ સર્જાઈ હતી. પ્રદર્શનકારીઓની મુખ્ય માંગણીઓમાં પાક માટે યોગ્ય ટેકાના ભાવ ની કાનૂની ગેરંટી, દેવામાફી અને ભૂતકાળના આંદોલન સમયના બાકી કેસો પાછા ખેંચવાનો સમાવેશ થાય છે. અટવાયેલા વાહનવ્યવહારને સુચારૂ બનાવવા અને કાયદો-વ્યવસ્થાની પરિસ્થિતિ કાબૂ બહાર ન જાય તે માટે સુરક્ષા દળોનો ચુસ્ત બંદોબસ્ત ગોઠવવામાં આવ્યો છે, જ્યારે બીજી બાજુ વહીવટી તંત્ર દ્વારા આંદોલનકારી નેતાઓ સાથે વાટાઘાટો કરીને માર્ગ શાંતિપૂર્ણ રીતે ઉકેલ લાવવાના પ્રયાસો સઘન બનાવવામાં આવ્યા છે.
