VIDEO: રાંચીમાં ઇન્ડિયન યુથ કોંગ્રેસ દ્વારા મેરેથોનનું આયોજન
છેલ્લું અપડેટ : 12 Jul 2026
સોર્સ : gstv
ઝારખંડના રાંચીમાં ઇન્ડિયન યુથ કોંગ્રેસ દ્વારા છાત્રો કી ગુંજ અભિયાન અંતર્ગત એક ભવ્ય સ્ટુડન્ટ્સ મેરેથોનનું આયોજન કરવામાં આવ્યું હતું. આ દોડમાં રાંચી અને આસપાસના વિસ્તારોમાંથી મોટી સંખ્યામાં વિદ્યાર્થીઓ અને યુવાનોએ ઉત્સાહભેર ભાગ લીધો હતો. ઇન્ડિયન યુથ કોંગ્રેસના રાષ્ટ્રીય અધ્યક્ષ ઉદયભાનુ ચિબે આ મેરેથોનને લીલી ઝંડી બતાવી પ્રસ્થાન કરાવ્યું હતું. મીડિયા સાથેની વાતચીતમાં ઉદયભાનુ ચિબે જણાવ્યું કે, આ અભિયાનનો મુખ્ય ઉદ્દેશ્ય દેશભરમાં વિદ્યાર્થીઓના અધિકારો, રોજગારી અને શિક્ષણ વ્યવસ્થાના સળગતા મુદ્દાઓ પર યુવાનોના અવાજને બુલંદ કરવાનો છે. મેરેથોન દરમિયાન યુવાનોમાં ભારે ઉત્સાહ અને દેશભક્તિનો માહોલ જોવા મળ્યો હતો.
