VIDEO: અખિલેશ યાદવ અયોધ્યાથી લડે તો હું પણ લડીશ: યોગી આદિત્યનાથ
છેલ્લું અપડેટ : 11 Oct 2026
સોર્સ : gstv
મુખ્યમંત્રી યોગી આદિત્યનાથે અખિલેશ યાદવના અયોધ્યાથી ચૂંટણી લડવાના પડકારનો કડક જવાબ આપ્યો છે. બલરામપુરની એક સભામાં યોગીએ અખિલેશને ખુલ્લી ઓફર આપતા કહ્યું કે, અખિલેશ પણ અયોધ્યાથી ઉમેદવારી નોંધાવે અને તેઓ પોતે પણ ત્યાંથી લડશે, જેથી નસીબ અજમાવી શકાય. અખિલેશ યાદવ બે દિવસના અયોધ્યા પ્રવાસે પહોંચ્યા હતા. તેમણે ભાગવત કથામાં ભાગ લીધો, સંતોના આશીર્વાદ લીધા અને જનસભામાં ભાજપ પર પ્રહારો કર્યા. અખિલેશે પડકાર ફેંક્યો હતો કે જો મુખ્યમંત્રીને પોતાની લોકપ્રિયતા પર વિશ્વાસ હોય તો તેઓ અયોધ્યાથી ચૂંટણી લડીને બતાવે. તેમણે ચૂંટણી પંચ અને પ્રશાસન સામે પણ સવાલો ઉઠાવ્યા હતા. યોગી આદિત્યનાથે વળતો પ્રહાર કરતા કહ્યું કે અયોધ્યા આપણું પવિત્ર ધામ અને આસ્થાનું કેન્દ્ર છે. અમે ત્યાં રાજકારણ માટે નહીં પરંતુ વિકાસ માટે જઈએ છીએ.
