VIDEO: માનવ તસ્કરી કેસ: હૈદરાબાદની એનઆઈએ કોર્ટે નવ આરોપીઓને આજીવન કેદની સજા ફટકારી
છેલ્લું અપડેટ : 18 Sept 2026
સોર્સ : gstv
હૈદરાબાદની વિશેષ NIA અદાલતે ૨૦૧૯ના માનવ તસ્કરીના ગંભીર કેસમાં નવ આરોપીઓને દોષિત ઠેરવીને આજીવન કેદની સજા સંભળાવી છે. આ ગેંગ સારી નોકરીની લાલચ આપી બાંગ્લાદેશી મહિલાઓની ભારતમાં તસ્કરી કરતી અને તેમને બળજબરીથી દેહવ્યાપારમાં ધકેલતી હતી. અદાલતે તમામ દોષિતોને આજીવન કેદની સાથે કુલ રૂપિયા ૧ લાખ 37 હજાર રૂપિયાનો દંડ ફટકાર્યો છે. દંડ ન ભરવાના કિસ્સામાં વધુ ત્રણ મહિનાની સાદી કેદ ભોગવવી પડશે. રાષ્ટ્રીય તપાસ એજન્સી દ્વારા સરહદ પાર કાર્યરત આ સંગઠિત નેટવર્કનો પર્દાફાશ કરવામાં આવ્યો હતો, જેના પગલે અદાલતે આ ઐતિહાસિક અને કડક ચુકાદો આપ્યો છે.
