VIDEO: મીદનાપુરમાં ભારે વરસાદને કારણે અનેક વિસ્તારોમાં જળબંબાકાર
છેલ્લું અપડેટ : 19 Aug 2026
સોર્સ : gstv
પશ્ચિમ બંગાળના પશ્ચિમ મેદિનીપુર જિલ્લાના મીદનાપુર શહેર અને આસપાસના વિસ્તારોમાં ધોધમાર વરસાદને કારણે ભારે જળબંબાકારની સ્થિતિ સર્જાઈ છે. સતત વરસેલા વરસાદથી નીચાણવાળા વિસ્તારો અને મુખ્ય રસ્તાઓ પાણીમાં ગરકાવ થઈ જતાં વાહનવ્યવહાર અને સામાન્ય જનજીવન સંપૂર્ણપણે ખોરવાઈ ગયું છે. સ્થાનિક નાગરિકોને ભારે હાલાકીનો સામનો કરવો પડી રહ્યો છે. પરિસ્થિતિની ગંભીરતાને ધ્યાનમાં રાખીને મેદિનીપુરના ભાજપ ધારાસભ્ય ડૉ. શંકર ગુચ્છાઇતે પ્રભાવિત વિસ્તારોની મુલાકાત લીધી હતી. તેમણે નગરપાલિકા અને સ્થાનિક વહીવટીતંત્રની નબળી ડ્રેનેજ વ્યવસ્થા સામે ભારે નારાજગી વ્યક્ત કરી હતી. તેમણે તાત્કાલિક અસરથી ભરાયેલા પાણીના નિકાલ માટે પંપ મૂકવાની અને પીડિત લોકોને સહાય પહોંચાડવાની માગ કરી છે. વહીવટીતંત્રે ટૂંક સમયમાં સ્થિતિ નિયંત્રણમાં લાવવાની ખાતરી આપી છે.
