VIDEO: ઉધમપુરમાં ભારે વરસાદ
છેલ્લું અપડેટ : 17 Jul 2026
સોર્સ : gstv
જમ્મુ અને કાશ્મીરના ઉધમપુર જિલ્લાના વિવિધ ભાગોમાં વહેલી સવારથી જ મુસળધાર વરસાદ શરૂ થયો છે. ભારે વરસાદના કારણે સમગ્ર પંથકમાં જળબંબાકારની સ્થિતિ સર્જાઈ છે. નીચાણવાળા વિસ્તારો અને મુખ્ય રસ્તાઓ પર પાણી ભરાઈ જવાના કારણે વાહનવ્યવહારને વ્યાપક અસર પહોંચી છે અને સ્થાનિક જનજીવન ખોરવાયું છે. સામે આવેલા વહેલી સવારના દ્રશ્યોમાં ધોધમાર વરસાદ વચ્ચે લોકો છત્રી અને રેઈનકોટના સહારે અવરજવર કરતા નજરે પડી રહ્યા છે. લાંબા સમયના અસહ્ય ઉકળાટ અને ગરમી બાદ આ વરસાદથી સ્થાનિક લોકોને તાપમાનમાં ઘટાડો થતાં ભારે રાહત મળી છે, પરંતુ વહીવટી તંત્રની પાણીના નિકાલની વ્યવસ્થા સામે સવાલો ઉભા થયા છે.
