VIDEO: ગુરુગ્રામ: દિલ્હી-જયપુર હાઈવે પર વાહનોની લાંબી લાઈનો
છેલ્લું અપડેટ : 07 Aug 2026
સોર્સ : gstv
ગુરુગ્રામ સ્થિત દિલ્હી-જયપુર નેશનલ હાઈવે પરથી વાહનવ્યવહાર ખોરવાઈ જવાના અને ભારે ટ્રાફિક જામના દ્રશ્યો સામે આવ્યા છે. રસ્તા પર કિલોમીટરો સુધી વાહનોની લાંબી લાઈનો જોવા મળી રહી છે, જેના કારણે નોકરિયાતો અને વાહનચાલકો કલાકો સુધી રસ્તા વચ્ચે ફસાયેલા રહ્યા હતા. સતત વધતા વાહનોના દબાવ અને કેટલાક વિસ્તારોમાં સર્જાયેલી અવરોધરૂપ સ્થિતિને કારણે આ હાઈવે પર વાહનો કાચબાની ઝડપે આગળ વધી રહ્યા છે. ટ્રાફિક જામની જાણ થતાં જ ગુરુગ્રામ ટ્રાફિક પોલીસના જવાનો ઘટનાસ્થળે પહોંચી ગયા હતા અને વાહનવ્યવહારને સુચારુરૂપે પૂર્વવત કરવા માટે સતત પ્રયાસો હાથ ધર્યા છે. સ્થાનિક પ્રશાસને પણ વાહનચાલકોને ધીરજ રાખવા તેમજ શક્ય હોય તો વૈકલ્પિક માર્ગોનો ઉપયોગ કરવાની સલાહ આપી છે. દરરોજ મુસાફરી કરતા લોકો માટે આ ટ્રાફિક સમસ્યા ભારે મુશ્કેલીનું કારણ બની ગઈ છે.
