VIDEO: કોચીમાં અથાચમયમ રેલીનો ભવ્ય પ્રારંભ
છેલ્લું અપડેટ : 16 Aug 2026
સોર્સ : gstv
કેરળના કોચીમાં પરંપરાગત અથાચમયમ રેલીનું આયોજન કરવામાં આવ્યું હતું. મુખ્યમંત્રી વી.ડી. સતીશને અથાચમયમ રેલીની વિધિનું ઉદ્ઘાટન કર્યું હતું. અથાચમયમ રેલીને ચિંગમ એટલે કે ઓણમ મહિનાની શરૂઆતની પરંપરાગત જાહેરાત તરીકે માનવામાં આવે છે. આ પ્રસંગે સાંસ્કૃતિક કાર્યક્રમો અને પરંપરાગત શોભાયાત્રા યોજાઈ હતી. રંગબેરંગી વેશભૂષામાં કલાકારો અને વિવિધ સાંસ્કૃતિક ટોળકીઓએ રેલીમાં ભાગ લીધો હતો. ઢોલ-નગારાં અને પરંપરાગત વાદ્યો સાથે સમગ્ર વાતાવરણ ઉત્સવમય બન્યું હતું. મોટી સંખ્યામાં લોકો રેલી નિહાળવા ઉમટી પડ્યા હતા. મુખ્યમંત્રી સતીશને પોતાના સંબોધનમાં ઓણમના સાંસ્કૃતિક અને પરંપરાગત મહત્વને યાદ કર્યું હતું. અથાચમયમ રેલી સાથે કેરળમાં ઓણમના તહેવારની ઉજવણીનો માહોલ શરૂ થયો છે.
