Budget 2026: નાણામંત્રી નિર્મલા સિતારમણે વિકાસ દરમાં 7% વૃદ્ધિ વિશે આપી માહિતી

આજે બજેટ 2026 રજૂ કરવામાં આવ્યું છે. આ બજેટમાં ભારતના નાણામંત્રી નિર્મલા સિતારમણે શરૂઆતમાં ઘણી બાબતો અંગે જાણકારી આપી છે જેમાં તેમણે વિકાસ દરમાં થયેલી 7% વૃદ્ધિ માટે જાણકારી આપી. 

આ પણ વાંચો :

BUDGET 2026/ 'ભારત દુનિયાની સૌથી મોટી અર્થવ્યવસ્થા બનવા તરફ અગ્રેસર', નાણામંત્રીના ભાષણની મોટી વાતો

BUDGET-2026/ "નાગરિકોને સરકારના દરેક પગલાનો ફાયદો મળે"

નાણામંત્રીએ જણાવ્યું, "અમે દૂરગામી માળખાકીય સુધારાઓ, રાજકોષીય સમજદારી અને નાણાકીય સ્થિરતાનો માર્ગ અપનાવ્યો, સાથે સાથે જાહેર રોકાણ પર મજબૂત ભાર મૂક્યો. માર્ગદર્શક સિદ્ધાંત તરીકે આત્મનિર્ભરતા સાથે, સ્થાનિક ઉત્પાદન ક્ષમતાને મજબૂત બનાવવામાં આવી, ઉર્જા સુરક્ષા મજબૂત કરવામાં આવી અને મહત્વપૂર્ણ આયાત પર નિર્ભરતા ઘટાડવામાં આવી." 

આ સાથે જ તેમણે જણાવ્યું કે "અમે એ પણ સુનિશ્ચિત કર્યું કે દરેક સરકારી પહેલના લાભ સામાન્ય નાગરિક સુધી પહોંચે. રોજગાર સર્જન, કૃષિ ઉત્પાદકતા, સ્થાનિક ખરીદ શક્તિ અને સેવાઓની સાર્વત્રિક પહોંચ સુધારવા માટે સુધારાઓ લાગુ કરવામાં આવ્યા. આ પગલાંથી લગભગ 7%નો ઉચ્ચ વિકાસ દર થયો, અને ગરીબી ઘટાડવા અને લોકોના જીવનધોરણમાં સુધારો કરવામાં નોંધપાત્ર પ્રગતિ થઈ."