VIDEO: અમૃતસરની હોટલમાં જનરેટર રૂમમાં ભીષણ આગ, પ્રવાસીઓનો આબાદ બચાવ
છેલ્લું અપડેટ : 17 Jul 2026
સોર્સ : gstv
પંજાબના અમૃતસરમાં એક મોટો અકસ્માત ટળ્યો હતો, જ્યાં એક પ્રખ્યાત હોટલના જનરેટર વિભાગમાં અચાનક ભીષણ આગ ફાટી નીકળી હતી. આગ લાગતા જ હોટલ પરિસરમાં ભારે અફરાતફરીનો માહોલ સર્જાયો હતો અને ચારેય તરફ કાળા ધુમાડાના ગોટા ફેલાઈ ગયા હતા. ઘટનાની જાણ થતાં જ હોટલ પ્રશાસને ત્વરિત પગલાં લીધા હતા અને અંદર રોકાયેલા તમામ મહેમાનો અને સ્ટાફને તાત્કાલિક સુરક્ષિત રીતે બહાર નીકાળ્યા હતા, જેના કારણે એક મોટી જાનહાનિ ટળી હતી. માહિતી મળતા જ ફાયર બ્રિગેડની ટીમો ઘટનાસ્થળે પહોંચી ગઈ હતી અને કલાકોની ભારે જહેમત બાદ આગ પર સંપૂર્ણ કાબૂ મેળવ્યો હતો. પ્રાથમિક તપાસ મુજબ, શોર્ટ સર્કિટના કારણે જનરેટરમાં આગ લાગી હોવાનું અનુમાન છે. સદનસીબે આ અકસ્માતમાં કોઈને પણ ઈજા કે જાનહાનિ થઈ નથી અને તમામ લોકો સંપૂર્ણપણે સુરક્ષિત છે.
