Video: પૂર્વ મંત્રી હરબંસ સિંહને ફારૂક અબ્દુલ્લાની શ્રદ્ધાંજલિ

જમ્મુ-કાશ્મીરમાં નેશનલ કોન્ફરન્સના પ્રમુખ ફારૂક અબ્દુલ્લાએ પૂર્વ મંત્રી હરબંસ સિંહને શ્રદ્ધાંજલિ અર્પણ કરી હતી. જમ્મુના નાનક નગર સાહિબ ગુરુદ્વારામાં આયોજિત કાર્યક્રમમાં હાજર રહી તેમણે હરબંસ સિંહ સાથેની યાદો વાગોળી હતી. ફારૂક અબ્દુલ્લાએ હરબંસ સિંહને પોતાના ભાઈ સમાન ગણાવતાં કહ્યું કે તેઓ દરેક વ્યક્તિની મદદ માટે હંમેશાં તૈયાર રહેતા હતા. તેમણે ક્યારેય કોઈ વ્યક્તિ પોતાનો છે કે વિરોધી, તેવો ભેદભાવ રાખ્યો નહોતો. ફારૂક અબ્દુલ્લાએ જમ્મુ-કાશ્મીરની જનતા માટે હરબંસ સિંહે આપેલા યોગદાનને યાદ કરતાં કહ્યું કે આવા સેવાભાવી અને નિષ્ઠાવાન વ્યક્તિઓ બહુ ઓછા જોવા મળે છે. કાર્યક્રમ દરમિયાન તેમણે સમાજસેવા, શિક્ષણ અને મહિલાઓના સન્માનના મહત્ત્વ પર પણ ભાર મૂક્યો હતો.