Operation sindoor પછી પણ 150થી વધુ પાકિસ્તાની યુવતી ભારતમાં પરણી, ખાસ મંજૂરી બાદ હવાઈ માર્ગે આવી

ભારત અને પાકિસ્તાન (India-Pakistan) વચ્ચે તણાવપૂર્ણ સંબંધો હોવા છતાં બંને દેશો વચ્ચેના કેટલાક પારિવારિક સંબંધો અને લગ્નજીવનના સંબંધો યથાવત્ રહ્યા છે. ગૃહ મંત્રાલય (Home Ministry)ના અહેવાલ મુજબ, છેલ્લા એક વર્ષ દરમિયાન 150થી વધુ પાકિસ્તાની દુલ્હનો લગ્ન માટે ભારત આવી હોવાનું સામે આવ્યું છે.

આ પણ વાંચો :

VIDEO/ Operation Sindoor ના ૧ વર્ષ પૂર્ણ, પૂંચના લોકોએ કહ્યું- 'હવે અમે વધુ સુરક્ષિત છીએ'

Operation Sindoor ના શહીદોના નામ છુપાવાયા? હવે સરકારનું આવ્યું મોટું નિવેદન, જણાવ્યું પૂરું સત્ય

આ માહિતી એવા સમયે સામે આવી છે જ્યારે ‘ઓપરેશન સિંદૂર’ (Operation Sindoor) બાદ ભારત અને પાકિસ્તાન વચ્ચે તણાવ વધ્યો હતો. સુરક્ષા કારણોસર બંને દેશો વચ્ચેની અટારી-વાઘા સરહદ (Attari-Wagah Border) પણ બંધ કરવામાં આવી હતી. આવી સ્થિતિમાં અગાઉથી સગાઈ કે લગ્ન નક્કી થઈ ચૂકેલા કેટલાક પાકિસ્તાની યુવતીઓને ભારત આવવા માટે વિશેષ મંજૂરી (Special Permission) આપવામાં આવી હતી.

ઓપરેશન સિંદૂર પહેલાં નક્કી થયેલા સંબંધોને મંજૂરી

અહેવાલ અનુસાર, ઓપરેશન સિંદૂર પહેલાં જે ભારતીય અને પાકિસ્તાની યુવક-યુવતીના સંબંધ નક્કી થઈ ગયા હતા, તેમના કેસમાં સરકાર દ્વારા વિશેષ છૂટ આપવામાં આવી હતી. સામાન્ય પરિસ્થિતિમાં પાકિસ્તાની નાગરિકો યોગ્ય વિઝા (Visa) સાથે અટારી-વાઘા માર્ગે ભારત આવી શકતા હતા. જોકે સરહદ બંધ થયા બાદ આ વિકલ્પ ઉપલબ્ધ રહ્યો નહોતો.

પરિણામે કેટલીક પાકિસ્તાની દુલ્હનોને હવાઈ માર્ગે (Air Route) ભારત આવવું પડ્યું હતું. માહિતી અનુસાર, અનેક યુવતીઓ કોલંબો (Colombo), દુબઈ (Dubai) અને કતાર (Qatar) જેવા ત્રીજા દેશો મારફતે ફ્લાઇટ બદલીને ભારત પહોંચી હતી.

લગ્ન બાદ પરત જવાની શરત

આવા કેસમાં પાકિસ્તાની નાગરિકોને લગ્ન માટે ભારતમાં પ્રવેશવાની મંજૂરી આપવામાં આવી હતી, પરંતુ લગ્ન પૂર્ણ થયા બાદ તેમને પરત જવા માટે કહેવામાં આવ્યું હતું. તેથી સુરક્ષા અને વહીવટી કારણોસર ઘણા લગ્ન ખૂબ જ સાદગીથી યોજાયા હતા.

અહેવાલ પ્રમાણે, ગયા વર્ષે જૂનથી આ વર્ષે એપ્રિલ સુધીના સમયગાળામાં લગભગ 150 પાકિસ્તાની દુલ્હનો ભારત આવી હતી. આ લગ્નોમાં બંને દેશોના પરિવારો વચ્ચે અગાઉથી નક્કી થયેલા સંબંધોનો સમાવેશ થાય છે.

સગાઈ પહેલાંથી થઈ હતી

આવા જ એક કેસમાં ભારતમાં રહેતા ઈંકેશ જશવાનીની સગાઈ ઓપરેશન સિંદૂર પહેલાં પાકિસ્તાનના સિંધ (Sindh) વિસ્તારમાં રહેતી યુવતી સાથે થઈ હતી. સંબંધ પહેલેથી નક્કી હોવાથી યુવતીને ભારત આવવા માટે ગૃહ મંત્રાલયની મંજૂરી લેવી પડી હતી.

ભારત-પાકિસ્તાન વચ્ચે રાજકીય અને સુરક્ષા તણાવ હોવા છતાં આવા કિસ્સાઓ બંને દેશોના લોકો વચ્ચે દાયકાઓથી ચાલતા પારિવારિક સંબંધોની ઝલક આપે છે