VIDEO: કોલાઘાટમાં CM સુવેન્દુ અધિકારીના હેલિકોપ્ટરનું ઈમરજન્સી લેન્ડિંગ
છેલ્લું અપડેટ : 11 Aug 2026
પશ્ચિમ બંગાળના CM સુવેન્દુ અધિકારીના હેલિકોપ્ટરનું પૂર્વ મેદિનીપુર જિલ્લાના કોલાઘાટ ખાતે ઈમરજન્સી લેન્ડિંગ (Emergency Landing) કરાવવામાં આવ્યું છે. તેઓ કોલકાતાથી પશ્ચિમ મેદિનીપુરના કેશપુર ખાતે શહીદ ખુદીરામ બોસના બલિદાન દિવસ સમારોહમાં હાજરી આપવા જઈ રહ્યા હતા.
ખરાબ વાતાવરણના કારણે લેવાયો નિર્ણય
સ્થાનિક અધિકારીઓ (Local Officials) અને પાઇલટના જણાવ્યા અનુસાર, વિસ્તારમાં હવામાન અત્યંત ખરાબ (Bad Weather) હતું અને વિઝિબિલિટી (Visibility) ખૂબ ઓછી થઈ ગઈ હતી. સુરક્ષાના ભાગરૂપે અને સાવચેતીના પગલાં (Precautionary Measures) રૂપે પાઇલટે હેલિકોપ્ટરને સુરક્ષિત રીતે કોલાઘાટ ખાતે ઉતારી લેવાનો નિર્ણય કર્યો હતો.
રોડ માર્ગે રવાના થયા સુવેન્દુ અધિકારી
કોલાઘાટ થર્મલ પાવર સ્ટેશન (Kolaghat Thermal Power Station) પાસે આવેલા એક ખુલ્લા મેદાનમાં હેલિકોપ્ટરના ઈમરજન્સી લેન્ડિંગ બાદ થોડા સમય માટે વિસ્તારમાં અફરાતફરીનો માહોલ સર્જાયો હતો. જોકે, હેલિકોપ્ટરનું સુરક્ષિત લેન્ડિંગ થતાં જ વહીવટી તંત્રે રાહતનો શ્વાસ લીધો હતો.
આ ઘટનામાં કોઈ પણ પ્રકારનું નુકસાન કે અપ્રિય ઘટના બની નથી. હેલિકોપ્ટર લેન્ડ થયા બાદ સુવેન્દુ અધિકારી બાય રોડ (By Road) એટલે કે સડક માર્ગે પોતાના નિર્ધારિત કાર્યક્રમમાં જોડાવા માટે રવાના થયા હતા.