VIDEO: ચૂંટણી પંચના સચિવ નવીન કુમારે તિરુમલામાં પૂજા કરી
છેલ્લું અપડેટ : 12 Jul 2026
સોર્સ : gstv
આંધ્રપ્રદેશના વિશ્વપ્રસિદ્ધ તીર્થધામ તિરુપતિ ખાતે ભારતીય ચૂંટણી પંચના સચિવ નવીન કુમારે ભગવાન વેંકટેશ્વરના દરબારમાં હાજરી આપી હતી. તેમણે તિરુમલા મંદિરની મુલાકાત લઈને વિધિવત રીતે શ્રીવારીના આશીર્વાદ લીધા હતા અને દેશની સમૃદ્ધિ તેમજ સુખાકારી માટે વિશેષ પ્રાર્થના કરી હતી. મંદિર પરિસરમાં આગમન પર તિરુમલા તિરુપતિ દેવસ્થાનમના વરિષ્ઠ અધિકારીઓ અને વેદપાઠી પુરોહિતો દ્વારા તેમનું પરંપરાગત સ્વાગત કરવામાં આવ્યું હતું. પૂજા-અર્ચના સંપન્ન થયા બાદ પ્રશાસન તરફથી તેમને ભગવાનનો પવિત્ર પ્રસાદ અને સ્મૃતિચિહ્ન એનાયત કરવામાં આવ્યા હતા. સવારના દ્રશ્યોમાં ચૂંટણી પંચના સચિવ કડક સુરક્ષા વ્યવસ્થા વચ્ચે મંદિરના પવિત્ર વાતાવરણમાં દર્શન કરતા જોવા મળ્યા હતા.
