VIDEO: ભારતીય નૌસેનાની તાકાતમાં વધારો; DRDO દ્વારા નેવલ એન્ટી-શિપ મિસાઇલ શોર્ટ રેન્જનું પ્રથમ સફળ સલ્વો લોન્ચ
છેલ્લું અપડેટ : 30 Apr 2026
સોર્સ : GSTV
ભારતે સંરક્ષણ ક્ષેત્રે સીમાચિહ્નરૂપ સિદ્ધિ મેળવતા DRDO અને ભારતીય નૌસેનાએ ઓડિશાના દરિયાકાંઠે નેવલ એન્ટી-શિપ મિસાઇલ-શોર્ટ રેન્જનું પ્રથમ સફળ સલ્વો લોન્ચ કર્યું છે. બંગાળની ખાડીમાં નૌસેનાના હેલિકોપ્ટર પ્લેટફોર્મ પરથી ખૂબ જ ટૂંકા અંતરાલમાં બે મિસાઇલો છોડવામાં આવી હતી, જેણે દરિયામાં લક્ષ્ય પર સચોટ પ્રહાર કર્યો હતો. આ મિસાઇલ સ્વદેશી ટેકનોલોજી જેવી કે એડવાન્સ સીકર, સોલિડ પ્રોપલ્શન બૂસ્ટર અને ફાઇબર-ઓપ્ટિક જાયરોસ્કોપ નેવિગેશન સિસ્ટમથી સજ્જ છે. હૈદરાબાદ સ્થિત રિસર્ચ સેન્ટર ઇમારત અને અન્ય લેબ્સ દ્વારા વિકસિત આ મિસાઇલના પરીક્ષણનું નિરીક્ષણ ચાંદીપુર ITR દ્વારા કરવામાં આવ્યું હતું.
