VIDEO: સ્વચ્છતા અભિયાનમાં ડેપ્યુટી સ્પીકર સચિન આહરે આપી હાજરી
છેલ્લું અપડેટ : 01 Sept 2026
મુંબઈના ઐતિહાસિક અને દરિયાકાંઠાના વિસ્તાર એવા વરલી કોળીવાડા ખાતે યોજાયેલા વિશેષ સ્વચ્છતા અભિયાન કાર્યક્રમમાં મહારાષ્ટ્ર વિધાન પરિષદના ડેપ્યુટી સ્પીકર સચિન આહરે સક્રિયપણે હાજરી આપી હતી. પર્યાવરણની જાળવણી અને દરિયાકાંઠાના વિસ્તારોને સ્વચ્છ રાખવાના હેતુથી આયોજિત આ ઝુંબેશમાં તેમણે સ્થાનિક માછીમાર સમુદાય, સ્વયંસેવકો અને મહાનગરપાલિકાના કર્મચારીઓ સાથે મળીને સફાઈ કામગીરીમાં સીધો ભાગ લીધો હતો. આ પ્રસંગે ઉપસ્થિત લોકોને સંબોધતા સચિન આહરે જણાવ્યું હતું કે દરિયાઈ નિવસનતંત્રની સુરક્ષા અને વિસ્તારના આરોગ્ય માટે સ્વચ્છતા અત્યંત જરૂરી છે. તેમણે સ્થાનિક નાગરિકોને પોતાના આસપાસના વિસ્તારને સ્વચ્છ રાખવા અને પ્લાસ્ટિક મુક્ત વરલી બનાવવા માટે સક્રિય યોગદાન આપવાની અપીલ કરી હતી. આ અભિયાનથી કોળીવાડાના સ્થાનિકોમાં સ્વચ્છતા પ્રત્યે ભારે જાગૃતિ અને ઉત્સાહ જોવા મળ્યો હતો.
