VIDEO: દિલ્હી સરકાર વડાપ્રધાન મોદીના જન્મદિન નિમિત્તે ૧૭ સપ્ટેમ્બરથી સેવા સંકલ્પ અભિયાન શરૂ કરશે
છેલ્લું અપડેટ : 15 Sept 2026
સોર્સ : gstv
દિલ્હીના મુખ્યમંત્રી રેખા ગુપ્તાએ જાહેરાત કરી છે કે સરકાર વડાપ્રધાન મોદીના જન્મદિવસે ૧૭ સપ્ટેમ્બરથી ૧૭ ઓક્ટોબર સુધી સેવા સંકલ્પ અભિયાન શરૂ કરશે. એક મહિના સુધી ચાલનારા આ જનસેવા અભિયાનમાં રક્તદાન શિબિરો, આરોગ્ય તપાસ, કામદારોની નોંધણી અને સ્વચ્છતા જેવા વિવિધ જનકલ્યાણકારી કાર્યો હાથ ધરાશે. આ દરમિયાન અંદાજે ૧૩,૮૨૦ કરોડના વિકાસ કાર્યોનું ઉદ્ઘાટન અને શિલાન્યાસ કરવામાં આવશે. ભાજપ પ્રદેશ કાર્યાલય ખાતે યોજાયેલી પત્રકાર પરિષદમાં ગુપ્તાએ જણાવ્યું હતું કે શાસનનો હેતુ વિશેષાધિકાર નહીં પરંતુ નાગરિકોની સેવા કરવાનો છે. આ અભિયાનની શરૂઆત ૧૭ સપ્ટેમ્બરે ભવ્ય રક્તદાન શિબિરથી થશે, જેમાં ૨,૫૦૦ યુનિટ રક્ત એકત્રિત કરવાનું લક્ષ્ય છે.
