VIDEO: SCO બેઠકમાં આ બે મહત્ત્વના મુદ્દા પર ચર્ચા કરશે સંરક્ષણ મંત્રી Rajnath Singh
છેલ્લું અપડેટ : 30 Apr 2026
સોર્સ : GSTV
કેન્દ્રીય સંરક્ષણ મંત્રી રાજનાથ સિંહ કિર્ગિસ્તાનની રાજધાની બિશ્કેકની મુલાકાતે છે, જ્યાં ભારતીય સમુદાય દ્વારા તેમનું ભવ્ય સ્વાગત કરવામાં આવ્યું હતું. તેઓ શાંઘાઈ કોઓપરેશન ઓર્ગેનાઈઝેશન (SCO) ના સંરક્ષણ મંત્રીઓની બેઠકમાં સહભાગી થવા માટે 27 એપ્રિલ, 2026 ના રોજ ત્યાં પહોંચ્યા હતા.
બિશ્કેક આગમન પર ભારતીય ડાયસ્પોરાએ પુષ્પગુચ્છ અર્પણ કરી તેમનું ઉષ્માભર્યું અભિવાદન કર્યું હતું. આ દરમિયાન રાજનાથ સિંહે ભારતીય સમુદાય સાથે સંવાદ સાધ્યો હતો અને ભારત તથા કિર્ગિસ્તાન વચ્ચેના મજબૂત મૈત્રીપૂર્ણ સંબંધો પર ભાર મૂક્યો હતો. પોતાની મુલાકાત દરમિયાન તેઓ પ્રાદેશિક સુરક્ષા અને આતંકવાદ સામેના પડકારો જેવા મહત્ત્વના મુદ્દાઓ પર વિવિધ દેશોના સંરક્ષણ મંત્રીઓ સાથે દ્વિપક્ષીય ચર્ચાઓ પણ કરશે.
