VIDEO: અભિનેતા અનંત નાગને દાદાસાહેબ ફાળકે એવોર્ડ, પીએમ મોદીએ આપ્યા અભિનંદન
છેલ્લું અપડેટ : 17 Sept 2026
ભારતીય સિનેમાના સર્વોચ્ચ સન્માનોમાંના એક દાદાસાહેબ ફાળકે એવોર્ડ માટે કન્નડ સિનેમાના દિગ્ગજ અભિનેતા અનંત નાગની પસંદગી કરવામાં આવી છે. PIB દ્વારા આ અંગે સત્તાવાર જાહેરાત કરવામાં આવી હતી. દાદાસાહેબ ફાળકે એવોર્ડ સિલેક્શન કમિટીની ભલામણના આધારે કેન્દ્ર સરકારે આ નિર્ણય લીધો છે. અનંત નાગને ભારતીય ફિલ્મ ઉદ્યોગમાં તેમના લાંબા અને નોંધપાત્ર યોગદાન બદલ 22 સપ્ટેમ્બર 2026ના રોજ ગુજરાતના કેવડિયા ખાતે યોજાનારા 72મા નેશનલ ફિલ્મ એવોર્ડ્સ સમારોહમાં આ સન્માન એનાયત કરવામાં આવશે. વડાપ્રધાન નરેન્દ્ર મોદીએ પણ અનંત નાગને અભિનંદન પાઠવતાં તેમના સહજ અભિનય, વૈવિધ્ય અને ભારતીય સિનેમામાં તેમના યોગદાનની પ્રશંસા કરી છે. 4 સપ્ટેમ્બર 1948ના રોજ જન્મેલા અનંત નાગ કન્નડ સિનેમાના આદરણીય અભિનેતાઓમાંના એક છે. તેમણે પોતાની કારકિર્દીમાં 300થી વધુ ફિલ્મોમાં અભિનય કર્યો છે, જેમાં 250થી વધુ કન્નડ ફિલ્મોનો સમાવેશ થાય છે. આ ઉપરાંત હિન્દી, તેલુગુ, તમિલ, મરાઠી, મલયાલમ અને અંગ્રેજી ફિલ્મોમાં પણ તેમણે અભિનય કર્યો છે. ર્ષ 2025માં ભારત સરકારે તેમને દેશના ત્રીજા સર્વોચ્ચ નાગરિક સન્માન પદ્મ ભૂષણથી પણ સન્માનિત કર્યા હતા
