VIDEO: ચમોલી: બદ્રીનાથ મંદિર દાન ચોરી કેસના આરોપી પ્રમોદ નૌટિયાલની SIT દ્વારા ધરપકડ
છેલ્લું અપડેટ : 13 Jul 2026
સોર્સ : gstv
ઉત્તરાખંડના ચમોલી જિલ્લામાં આવેલા વિશ્વપ્રસિદ્ધ બદ્રીનાથ ધામના દાન પાત્રમાંથી કથિત નાણાં ચોરી કરવાના ચકચારી મામલામાં એસઆઈટી ની ટીમને મોટી સફળતા મળી છે. આ કેસના મુખ્ય આરોપી પ્રમોદ નૌટિયાલની ધરપકડ કરવામાં આવી છે. બદ્રીનાથ પોલીસ સ્ટેશન બહારથી સામે આવેલા દ્રશ્યોમાં પોલીસ અને તપાસ એજન્સીની ગાડીઓ તેમજ કડક સુરક્ષા બંદોબસ્ત જોવા મળી રહ્યો છે. એસઆઈટી દ્વારા આરોપીની સઘન પૂછપરછ હાથ ધરવામાં આવી છે જેથી આ કૌભાંડમાં સંડોવાયેલા અન્ય લોકો અને ચોરી થયેલી રકમ અંગેના મહત્વના પુરાવા એકત્ર કરી શકાય. પવિત્ર ધામમાં બનેલી આ ઘટનાને પગલે શ્રદ્ધાળુઓમાં ભારે રોષ જોવા મળી રહ્યો છે ત્યારે પોલીસ પ્રશાસને આ કેસની તટસ્થ અને ઝડપી તપાસની ખાતરી આપી છે.
