VIDEO: બાબા બુઢા અમરનાથ પહોંચ્યું ચડી મુબારક
છેલ્લું અપડેટ : 27 Aug 2026
સોર્સ : gstv
જમ્મુ-કાશ્મીરના પૂંછ જિલ્લામાં આવેલા પ્રસિદ્ધ બાબા બુઢા અમરનાથ મંદિર ખાતે ચડી મુબારકનું આગમન થયું છે. પવિત્ર યાત્રા દરમિયાન શ્રદ્ધાળુઓ અને સાધુ-સંતોમાં ભારે ઉત્સાહ જોવા મળ્યો હતો. ચડી મુબારકના આગમન સાથે મંદિર પરિસર ભક્તિમય વાતાવરણથી ગુંજી ઉઠ્યું હતું. મોટી સંખ્યામાં શ્રદ્ધાળુઓએ બાબા બુઢા અમરનાથના દર્શન કરી પૂજા-અર્ચના કરી હતી. આ ધાર્મિક પ્રસંગને લઈને સ્થાનિક તંત્ર દ્વારા જરૂરી વ્યવસ્થાઓ કરવામાં આવી છે. મંદિર પરિસરમાં સુરક્ષા વ્યવસ્થા પણ સઘન બનાવવામાં આવી છે. ચડી મુબારક સાથે આવેલા શ્રદ્ધાળુઓએ આ પવિત્ર યાત્રા અને દર્શનને લઈને પોતાની ખુશી વ્યક્ત કરી હતી. સમગ્ર વિસ્તાર હર હર મહાદેવના જયઘોષથી ગુંજી ઉઠ્યો હતો.
