'ઘરમાં લક્ષ્મી આવી, બહેનના સન્માન સાથે સમજૂતિ નહીં..', તેજ પ્રતાપના નિવેદન પર અનુષ્કાના ભાઈ આકાશનો ખુલાસો
છેલ્લું અપડેટ : 12 Feb 2026
જનશક્તિ જનતા દળ (JJD) ના રાષ્ટ્રીય અધ્યક્ષ તેજ પ્રતાપ યાદવ ફરી એકવાર ચર્ચામાં છે. સોશિયલ મીડિયા પર અફવાઓ ફેલાઈ રહી છે કે, તેઓ એક પુત્રીના પિતા બન્યા પરંતુ તેમણે આ વાતનો ઇનકાર કર્યો છે. જોકે અનુષ્કા યાદવના ભાઈ આકાશ યાદવે આ મુદ્દે ઘણી સ્પષ્ટતા કરી છે. અનુષ્કા યાદવના મોટા ભાઈ આકાશ યાદવે સ્પષ્ટ કર્યું છે કે, અમારા ઘરે ભાણી આવી છે. અમારા ઘરે લક્ષ્મીનો જન્મ થયો છે. તે લક્ષ્મીનું નામ ઉજ્જૈની છે.
તેજપ્રતાપ કહી રહ્યા છે કે તેમની એક જ પુત્રી છે જેનું નામ કાત્યાયની (તેજશ્વીની પુત્રી) છે. આ મુદ્દે આકાશે કહ્યું કે, તેજ પ્રતાપ જેને પોતાની પુત્રી માને છે તે ખુશહાલ રહે. તેને ભગવાનના આશીર્વાદ મળે. તેજ પ્રતાપે પ્રેસ કોન્ફરન્સ કરીને જે પણ કહ્યું છે તેના ઉપર અમારે કોઈ ટિપ્પણી કરવી નથી. હું ફક્ત એટલું કહેવા માંગુ છું કે મેં ગઈકાલે મીડિયા સાથે કૌટુંબિક બાબતો શેર કરી નથી, અને ભવિષ્યમાં પણ આવું કરીશ નહીં.
તેજ પ્રતાપ યાદવ પરિવારના સભ્ય છે: આકાશ યાદવ
આકાશ યાદવે કહ્યું કે, તેજ પ્રતાપ યાદવ પરિવારના સભ્ય છે, એટલા માટે તે જે કંઈ પણ કહે છે તેને હું એક કાનથી સાંભળીને બીજા કાને કાઢી નાંખું છું. જો કોઈ અમારી બહેન, માતા કે બહેન સામે મુદ્દો ઉઠાવશે તો હું તેમને છોડીશ નહીં. વાયરલ ફોટો અને વીડિયો અંગે તેજ પ્રતાપ અને અનુષ્કા યાદવએ કોર્ટનો રસ્તો જોયો છે. બંને કોર્ટ જઈ શકે છે.
એક પ્રશ્નના જવાબમાં આકાશે કહ્યું, "જ્યારે તે (તેજ પ્રતાપ) અમારા ઘરે આવ્યા ત્યારે શું મેં તેમને આમંત્રણ આપ્યું હતું? શું ફોટાઓ મેં શેર કર્યા હતા? અમે જાહેર મંચ પરથી ઉજ્જૈનીના પિતાનું નામ લેવા માંગતો નથી... કારણ કે તેમનો જીવ જોખમમાં છે અને તે કાયદાકીય ગૂંચવણોમાં ફસાયેલા છે. જો કોઈને જાણવાની ઇચ્છા હોય કે અનુષ્કાનો પતિ કોણ છે, ઉજ્જૈનીના પિતા કોણ છે, આકાશના બનેવી કોણ છે. તો તે સુપ્રીમ કોર્ટ, મહિલા આયોગ અને હાઈકોર્ટમાં જઈ શકે છે.
