ટાઈગર પર થયેલા હુમલા બાદ અભિજીત દિપકેએ અસલી ગુનેગાર પર ધ્યાન કેન્દ્રિત કરવા કહ્યું

ટાઈગર શ્રોફને નિશાન બનાવીને ગોળીબાર કરવામાં આવ્યો હોવાની ઘટના સામે આવી છે. 'કોકરોચ જનતા પાર્ટી' (CJP) ના સ્થાપક અભિજીત દીપકેએ બોલિવૂડ અભિનેતા પર થયેલા આ હુમલા અંગે નારાજગી વ્યક્ત કરી છે. તેમણે કહ્યું કે પોલીસે વાસ્તવિક ગુનેગારો પર ધ્યાન કેન્દ્રિત કરવું જોઈએ. આ હુમલા સાથે જેલમાં બંધ લોરેન્સ બિશ્નોઈની ગેંગનું નામ જોડાઈ રહ્યું છે અને હાલમાં આ મામલે તપાસ ચાલી રહી છે. નોંધનીય છે કે, આ નિવેદન એવા સમયે આવ્યું છે જ્યારે CJP તેના નેતાઓ આશુતોષ રંકા અને સૌરભ દાસની અટકાયતનો વિરોધ કરી રહી છે.દીપકેએ લખ્યું, "વિદ્યાર્થીઓ અને કાર્યકરો સામે કાર્યવાહી કરવાને બદલે, પોલીસે અસલી ગુનેગારો પર ધ્યાન આપવું જોઈએ. જ્યારે સરકાર અને પોલીસ ખોટી પ્રાથમિકતાઓ નક્કી કરે છે, ત્યારે આવું જ થાય છે."

જુહુમાં ટાઈગર શ્રોફ પર હુમલો

રવિવારે સાંજે જુહુમાં બે અજાણ્યા હુમલાખોરોએ અભિનેતા ટાઈગર શ્રોફને નિશાન બનાવીને તેમની કાર પર ચારથી પાંચ રાઉન્ડ ગોળીબાર કર્યો હતો. સદભાગ્યે, ટાઈગર શ્રોફ બચી ગયા હતા, પરંતુ તેમના ડ્રાઈવર સહિત અન્ય બે વ્યક્તિઓ ગંભીર રીતે ઘાયલ થયા હતા. ઘટનાના થોડા સમય બાદ, લોરેન્સ બિશ્નોઈ ગેંગ સાથે સંકળાયેલા અનિલ પંડિત અને હરમન સંધુએ આ હુમલાની જવાબદારી સ્વીકારી હતી. હુમલાખોરોએ ધમકી આપી છે કે મુંબઈ ફિલ્મ ઉદ્યોગમાં જે કોઈ તેમની માંગણીઓ નહીં માને - અથવા સલમાન ખાન સાથે કામ કરશે - તે તેમનું આગામી નિશાન બનશે.

૧૫ ટીમોની રચના

મુંબઈ પોલીસે હુમલાખોરોને પકડવા માટે ૧૫ ટીમો બનાવી છે. હુમલાખોરો અને તેમની મોટરસાઈકલની ઓળખ કરવા માટે CCTV ફૂટેજની તપાસ કરવામાં આવી રહી છે અને વિવિધ સ્થળોએ નાકાબંધી કરવામાં આવી છે. ફોરેન્સિક ટીમો પણ ઘટનાસ્થળેથી પુરાવા એકત્ર કરી રહી છે. મહારાષ્ટ્રના મુખ્યમંત્રી દેવેન્દ્ર ફડણવીસે રવિવારે રાત્રે ટાઈગર શ્રોફ સાથે વાત કરીને તેમની ખબર-અંતર પૂછ્યા હતા અને તેમને શક્ય તમામ મદદની ખાતરી આપી હતી.

પોલીસે જણાવ્યું હતું કે, ગોળીબારમાં ટાઈગરના ડ્રાઈવર ફિરદોસ અને તે સમયે ત્યાંથી પસાર થઈ રહેલા કેવલ ચૌહાણ નામના ઓટો-રિક્ષા ચાલક ઘાયલ થયા છે. પોલીસે પૂછપરછ માટે એક શંકાસ્પદ વ્યક્તિને કસ્ટડીમાં લીધો છે. ઘટનામાં વપરાયેલી મોટરસાઈકલ પણ જપ્ત કરવામાં આવી છે. સોશિયલ મીડિયા પર આ ઘટનાનો એક વીડિયો વાયરલ થઈ રહ્યો છે, જેમાં એક અજાણ્યો હુમલાખોર ટાઈગર શ્રોફની કાર પર ગોળીબાર કરતો જોવા મળે છે.

અનિલ પંડિત અને હરમન સંધુ એ લોરેન્સ [બિશ્નોઈ]ના નજીકના સાથીઓ 

પોલીસના જણાવ્યા અનુસાર, અનિલ પંડિત હરિયાણાના પાણીપતનો રહેવાસી છે. તે લોરેન્સ ગેંગ માટે મુખ્ય શૂટર તરીકે કામ કરે છે અને ગેંગની વિદેશી કામગીરી સંભાળે છે. તે લોરેન્સના નાના ભાઈ અનમોલ બિશ્નોઈનો નજીકનો સાથી છે. હરમન સંધુ, જે લાંબા સમયથી વિદેશમાં છુપાયેલો છે, તે ગેંગના શૂટરોને લક્ષ્યાંકો (ટાર્ગેટ્સ) વિશે માહિતી પૂરી પાડવાનું કામ કરે છે.

CJP નેતાઓને જામીન કેમ નથી મળી રહ્યા?

CJPનો આરોપ છે કે દાસ અને રંકાની ધરપકડને જાણીજોઈને લંબાવવામાં આવી રહી છે. દીપકે જણાવ્યું, "તેમને જેલમાં રાખવા માટે કોઈ કાયદાકીય આધાર નથી; તેથી, વિલંબ કરવા અને તેઓ કસ્ટડીમાં જ રહે તે સુનિશ્ચિત કરવા માટે વિવિધ યુક્તિઓ અપનાવવામાં આવી રહી છે." પક્ષના કાનૂની બાબતોના વડા રત્ના સિંહે દિલ્હી પોલીસ અને રાજ્યના અધિકારીઓ પર સ્પેશિયલ એક્ઝિક્યુટિવ મેજિસ્ટ્રેટ સમક્ષની કાર્યવાહીમાં અવરોધ ઊભો કરવાનો આરોપ લગાવ્યો.

તેમણે કહ્યું, "સરકારી વકીલ, જેઓ સતત ચાર દિવસ સુધી હાજર રહ્યા ન હતા, તેઓ આજે અચાનક આવી પહોંચ્યા અને કાર્યવાહીને કથિત ધમકીભર્યા સંદેશ તરફ વાળવાનો પ્રયાસ કર્યો." સિંહે વધુમાં કહ્યું, "અમારા વકીલોએ જવાબ આપ્યો કે, 'જો તમને કોઈએ ધમકી આપી હોય, તો તેમની સામે કાર્યવાહી કરો. તેમનો નંબર સત્તાવાર આદેશમાં નોંધો અને અમને તેમનું નામ જણાવો.