VIDEO:ભારત-બાંગ્લાદેશ સરહદ પર સુરક્ષાનું નવું મોડલ લાગુ કરાશે

કેન્દ્રીય ગૃહ મંત્રી અમિત શાહે ત્રિપુરાના સાલબાગાન ખાતે ભારત-બાંગ્લાદેશ સરહદની સુરક્ષા અંગે મહત્વપૂર્ણ સમીક્ષા બેઠક યોજી હતી. આ બેઠકમાં સરહદી વિસ્તારોમાં જમીન ખરીદ-વેચાણ, મોટા નિર્માણ કાર્યો અને નાણાકીય લેવડ-દેવડ પર કડક નજર રાખવા તેમજ છેલ્લા પાંચ વર્ષના જમીન રેકોર્ડની સઘન તપાસ કરવાના નિર્દેશ આપવામાં આવ્યા છે. ગૃહ મંત્રીએ 'ફુલ-પ્રૂફ બોર્ડર સિક્યોરિટી ગ્રીડ'નો ખ્યાલ રજૂ કરતા જણાવ્યું હતું કે સરહદની સુરક્ષા માત્ર બીએસએફની નહીં પરંતુ જિલ્લા વહીવટીતંત્ર, પોલીસ અને સ્થાનિક ગ્રામ પંચાયતોની સંયુક્ત જવાબદારી છે. આ ઉપરાંત 'ટોટલ ટેરિટોરિયલ ડિફેન્સ' મોડલ હેઠળ સ્થાનિકોને તાલીમ આપી હથિયાર અને નશીલા પદાર્થોની તસ્કરી રોકવામાં સક્રિય કરવામાં આવશે. આ પગલાં સરહદને સુરક્ષિત અને વધુ અભેદ્ય બનાવવાની દિશામાં ગેમ-ચેન્જર સાબિત થશે