VIDEO: કેનાલનું અધૂરું કામ: સુઈગામમાં 22 ગામના ખેડૂતોનો વિરોધ
છેલ્લું અપડેટ : 31 Aug 2026
સોર્સ : gstv
વાવ-થરાદ જિલ્લાના સુઈગામ પંથકના 22 ગામોના ખેડૂતોએ કેનાલનું અધૂરું કામ પૂર્ણ કરવાની માંગ સાથે વિરોધ પ્રદર્શન કર્યું. દેવપુરાથી સુઈગામ સુધીની આશરે 33 કિલોમીટર લાંબી બ્રાન્ચ કેનાલનું કામ 18 મહિનામાં પૂર્ણ કરવાનું હતું, પરંતુ ત્રણ વર્ષથી વધુ સમય વીતી જવા છતાં ખેડૂતોના જણાવ્યા મુજબ માત્ર 30 ટકા જેટલું કામ થયું છે. જમીન સંપાદન પહેલાં ખેડૂતોએ જમીન આપી હોવા છતાં કેનાલનું કામ પૂર્ણ ન થતાં રોષ જોવા મળ્યો. કોન્ટ્રાક્ટરની મનમાની સામે અનેક રજૂઆતો છતાં નિરાકરણ ન આવતા ખેડૂતોએ સૂત્રોચ્ચાર સાથે વિરોધ નોંધાવ્યો. એક તરફ વરસાદ ખેંચાતા અને બીજી તરફ કેનાલનું કામ અધૂરું રહેતા ખેડૂતોમાં ભારે આક્રોશ જોવા મળ્યો.
