વડોદરા મહાનગરપાલિકાની અવ્યવસ્થાને કારણે શહેરમાં બીજા દિવસે પણ પાણીનો ભારે વેડફાટ થયો છે. વાડી ગાજરવાડી સ્મશાન રોડ પર પાણીની લાઈનમાં લીકેજ થતાં હજારો લીટર શુદ્ધ પાણી રસ્તા પર વહી ગયું છે. રાવપુરા કોઠી રોડ પર લીકેજના કારણે પાણીનો વેડફાટ થયો હતો. ભારે ઉનાળામાં નાગરિકોને પૂરતા પ્રેશરથી પાણી પુરવઠો ન મળી રહ્યો હોય ત્યારે પાલિકાની લાપરવાહીને કારણે આ રીતે પાણી વેડફાઈ થયું છે, જેનાથી સ્થાનિકોમાં ભારે રોષ જોવા મળ્યો છે.મહાનગરપાલિકાની કામગીરી વિરુદ્ધઅનેક સવાલ ઉઠ્યા છે. સત્તાધીશોએ તાત્કાલિક લીકેજ સુધારવાની કામગીરી હાથ ધરવી જોઈએ.