VIDEO: વડોદરામાં મહાશિવરાત્રીના પર્વ પર શોભાયાત્રામાં સર્જાયા મારામારીના દ્રશ્યો
છેલ્લું અપડેટ : 26 Feb 2025
દેશભરમાં આજે દેશવાસીઓ દ્વારા મહાશિવરાત્રીના પર્વની આનંદ અને ઉત્સાહ પૂર્વક ઉજવણી કરવામાં આવી હતી. ત્યારે વડોદરામાં શિવજી કી સવારીની શોભાયાત્રા કાઢવામાં આવી હતી જેમાં મારામારીના દ્રશ્યો સર્જાયા હતા. આ યાત્રામાં કેટલાક શખ્સો વચ્ચે છુટા હાથની મારામારીના દ્રશ્યો સર્જાયા હતા જેનો વીડિયો સોશિયલ મીડિયામાં વાયરલ થઈ રહ્યો છે.
માંડવી રોડ પર આ ઘટના બની હતી જેમાં શોભાયાત્રા શાંતિથી પસાર થઈ રહી હતી તે દરમિયાન યુવકોના ટોળા વચ્ચે બબાલ થઈ હતી. જો કે પોલીસની હાજરી હોવાથી પોલીસે ગણતરીની સેકંડોમાં જ ટોળાને છુટા પાડ્યા હતા. અને ત્યારબાદ ચુસ્ત બંદોબસ્ત વચ્ચે સવારી આગળ વધી હતી. યુવકો વચ્ચે કયા કારણોને લઇ મારામારી થઈ તે પણ એક સવાલ લોકોને મુંઝવી રહ્યો છે.
