VIDEO: વડોદરામાં રફતારનો કેર: કમાટીબાગ પાસે બે વાહનો વચ્ચે ગમખ્વાર અકસ્માત
છેલ્લું અપડેટ : 14 Jul 2026
સોર્સ : gstv
શહેરમાં બેફામ દોડતા વાહનોની રફતાર ક્યારે અટકશે તે એક મોટો સવાલ બની ગયો છે. ગત મોડી રાત્રે વડોદરાના કમાટીબાગ વિસ્તાર પાસે એક ભયાનક અકસ્માત સર્જાયો હતો. અહીં પૂરપાટ ઝડપે આવી રહેલી એક બાઇક અને એક્ટિવા વચ્ચે સામસામે જોરદાર ટક્કર થઈ હતી. આ સામસામે થયેલી પ્રચંડ અથડામણમાં બંને વાહનોના ચાલકો ગંભીર રીતે ઇજાગ્રસ્ત થયા હતા. અકસ્માતનો અવાજ સાંભળીને આસપાસના લોકો તાત્કાલિક મદદ માટે દોડી આવ્યા હતા અને ૧૦૮ ઈમરજન્સી સેવાને જાણ કરી હતી. ઇજાગ્રસ્તોને તાબડતોબ સારવાર અર્થે નજીકની હોસ્પિટલમાં ખસેડવામાં આવ્યા છે. સ્થાનિકોમાં વહીવટી તંત્ર સામે રાત્રિના સમયે વાહનોની ગતિ મર્યાદા પર અંકુશ લાવવા માટે ઉગ્ર માંગ ઉઠી રહી છે.
