VIDEO: વડોદરા શહેરના વડસરમાં ચોર ટોળકીનો આતંક, બે મકાનોને નિશાન બનાવી 8 લાખની મતાની ચોરી
છેલ્લું અપડેટ : 17 May 2026
સોર્સ : gstv
વડોદરા શહેરના વડસર વિસ્તારમાં આવેલ શુભ એન્કલેવ સોસાયટીમાં ચોર ટોળકીનો આતંક સામે આવ્યો છે. અહીં એક જ રાતમાં એકસાથે પાંચ તસ્કરો ત્રાટક્યા હતા અને બંધ મકાનોને નિશાન બનાવી બે મકાનોના તાળા તોડી અંદાજે રૂપિયા ૮ લાખની મતાની ચોરી કરી ઘટનાને અંજામ આપ્યો હતો.
સોસાયટીમાં ચોરી કરવા આવેલા આ તસ્કરોની સમગ્ર હરકતો ત્યાં લાગેલા સીસીટીવી કેમેરામાં કેદ થઈ ગઈ છે. આ ચોરીની ઘટના બાદ માંજલપુર પોલીસે સીસીટીવી ફૂટેજના આધારે કાયદેસરની વધુ કાર્યવાહી હાથ ધરીને તસ્કરોને ઝડપી પાડવા ચક્રો ગતિમાન કર્યા છે.
